Бірлігіміздің рухани қуаты

БҰҰ қорының арнайы кеңесшісі Серж Мартин маған былай деді: «Қа­зақ­станда адам көріп-білмеген рухани қуат бар.  Сіздердің елдеріңіз Еуразия субқұрлығының аса маңызды және аса көр­некті рухани, сондай-ақ, саяси күшіне айналып отыр. Қазақстан бүгінде баршамыздың басымызды қосатын орталық іспетті. Мұнда, әрине, Президенттеріңіз Н.Назарбаев­тың еңбегі орасан зор. Мен Қазақ­станға Астананы тағы бір мәрте көріп, қазақ халқының жүрек жылуын сезіну, ізгілікті іс-әрекеттерден қуат алу және Көш­бас­шыларыңыздың сөзін тыңдау үшін келдім».  Мен мұны неге есіме алып отырмын. Өйткені, меймандардың Қазақстанмен алғашқы кездесуі енді қарапайым қаланы рухани тартылыстың қасиетті нысанына айналдыра білген адамның атын иеленген әуежайда жүзеге асатын болады.  Әр мемлекеттің алдында халықтардың басын біріктіретін міндеттерді табу мен нығайту мәселесі тұрады. Мен үшін бұл бірегейлік деп аталатын рухани қуат күші екені күмәнсіз. Н.Назарбаев қазақстандық бірегейлікті қалыптастырудың лайықты үлгісі болып табылады. Ал оның атының халықаралық әуежайға берілуі – халқымыз бен қоғамымыз бірлігінің жоғары нышаны. Бұл, түптеп келгенде, біздің бірегейлігіміздің форпосты, ұжымдық «Меніміз». Анатолий БАШМАКОВ,  Қазақстан халқы Ассамблеясы Кеңесінің мүшесі, Л.Н.Гумилев атындағы ЕҰУ-дің кафедра меңгерушісі, экономика ғылымдарының докторы