Алтын бүрмелі бұйым

Зерттеушілер атал­ған жәдігер біздің зама­нымызға дейінгі 500-600 жылдыққа жататын сақ дәуірінің мұ­расы дейді. Расын­да, сақ дәуірінде Ұлы далада қол­­данбалы өнер жақсы дамып, әсіресе алтын бұйымдарды зергер­лік ісіне пайдалану кең етек алғаны тарихтан белгілі. 

Музей қорына қабыл­данған жәдігерге пошым-сипаты мен жасалу ерекшелігіне қарай «Бүрмелі алтын сырға немесе сақина» деген атау бе­руге лайық. Сырғаның сал­пыншақ бөлігіне құмыра пішіндес 20 ұсақ бүршік бүрмеленген. Бір қарағанда, бұл бүрмелер бидай дәніне де ұқсайды. Жәдігердің салмағы – 20 грамм, таза алтыннан жа­салған, шеңберінің диа­метрі – 2,9 см, ені – 8 мм, бұйымның не­гізгі биіктігі – 5,4 см, құмыраға ұқсас бүршіктердің биіктігі – 9 мм, оның диаметрі – 6-6,1 мм, құмыра ауызы­ның биіктігі – 1 мм, диа­метрі – 2,5 мм.

Бұйымды музей қо­рына өткізген меценат Сапар Ысқақұлы жа­­сақ­таған экспедиция мү­ше­лері және елор­дадағы Ұлт­тық музей жанынан құ­рылған «Халық қа­зы­насы» ғылыми-зерттеу инс­титутының басшысы Ахан Оңғар­ұлы. 

«Торғай өңірі әлі толық зерттелмеген. Ал­дағы уақытта мұндай жәдігерлердің талайы та­былатыны анық. Сол себепті, биыл да қаз­ба жұмыстарын жал­ғастыру арқылы өлкеге этнографиялық зерттеу­лер жүргіземіз» деді Ахан Оң­ғарұлы.

Әсел ӨТКЕЛБАЕВА, 

Арқалық қаласындағы Дала өлкесі тарихы облыстық музейінің бас қор сақтаушысы