65 жасқа толуына орай көрермендерге ұсынған бұл көрмесінде Николай Воткал өзі айналысатын мүсін және сурет өнері бойынша жасаған еңбектерін қойыпты. Әсіресе, оның қоладан, ағаштан, пластиктен, гипстен жасалған шағын мүсіндері көрермендерін ойға тартты. Воткалдың қолынан шыққан мүсіндерде бейнеленген Крылов шығармаларының кейіпкерлерін көрермендер бірден байқады. И.Крылов мысалдары қазақ әдебиетінің төл шығармасындай болып кеткендіктен, қарға мен түлкінің бейнесі аңғалдық пен қулық туралы айта жөнелетіндей әсер береді.
– Шағын мүсіндерді бірнеше тақырыпқа бөлдім. Соның бірін еңбек тақырыбына арнадым. Кеңес Одағы кезінде шығармашылықтан еңбек тақырыбы талап етілетін. Кейіннен оның өнерде солғын тартқаны рас қой? Мен де осы еңбек тақырыбын шағын мүсіндерде көрсеткім келді, – дейді Александр Николаевич.
«Үшінші боласың ба?», «Іске шықты» немесе «Жоғалғандар» секілді жұмыстарында мүсінші адам жанын психологиялық тұрғыдан аша түсуге ұмтылады. Бұл оңай жұмыс емес.
– Жалпы мүсін жасау – ауыр жұмыс. Кейіпкердің жан дүниесіндегі ойды бейнелеу қайдан жеңіл болсын. Қоламен жұмыс істеу тіпті қиын әрі арзан да емес. Кейіпкерімнің бәрі бірдей жағымды болмауы да мүмкін. Есесіне нағыз өмірді шынайы көрсетуге ұмтыламын, – дейді Александр Николаевич.
ҚОСТАНАЙ