Мемлекет басшысының тапсырмасы аясында Түркия авиакомпаниялары 11 қазақстандық әуежайда тұрақты ұшуларды орындай алады. Бұл туралы Индустрия және инфрақұрылымдық даму министрлігінің баспасөз қызметі хабарлады.
- Түркия тарапы Нұр-Сұлтанға, Алматыға әуе қатынасын кеңейтуді құптайды және Ақтау мен Қостанайға тұрақты рейстерді ашуды жоспарлап отыр. Сондай - ақ салынып жатқан әуежай пайдалануға берілгеннен кейін Стамбул-Түркістан бағыты бойынша рейстерді ашуға алғашқы шетелдік авиакомпаниялардың бірі ретінде мүдделілігін растады, - делінген хабарламада.
Кездесу қорытындысы бойынша тараптар әуе қатынасы саласында өзара тиімді ынтымақтастықты жалғастыруға шешім қабылдады.