Бүгін Қарағанды облысында коронавирус жұқтырған екі науқас сырқатынан айығып, ауруханадан шығарылды, деп хабарлады облыс әкімінің баспасөз қызметі.
Бұлардың бірі Қарағанды қаласының 1998 жылы туған тұрғыны екен. Екіншісі – Минск - Нұр-Сұлтан авиарейсінің 49 жастағы жолаушысы.
Науқастардың екеуі де толық емдеу курсынан өтті және олардан екі мәрте алынған ПТР-талдау теріс нәтиже көрсеткен. Сол себепті бұл екі азамат 14 күнге созылатын үй карантиніне шығарылды.
Бүгінгі күнге дейін Қарағанды облысында «жаман тұмаудан» жазылғандардың саны 17 адамға жетті.
Қарағанды облысы