Жуырда шахматтан ФИДЕ рейтингі жарияланды. Үздіктер көшін Норвегияның мықтысы Магнус Карлсен бастап тұр. Осы күнге дейін ол 2863 ұпай олжалап отыр.
Әрине, 29 жастағы Магнус Карлсеннің бұл нәтижесіне еш таңдануға болмайды. 2013 жылы әлем чемпионы атанған Скандинавия түбегінің түлегі сол кезден бері алтын тәжге ешкімді жолатқан жоқ. Қазір де ол бабында екенін байқатып, жуырда ғана өткен онлайн-турнирде қарсылас шақ келтірген жоқ. Ал бүгінгі таңдағы «ТОП-10» шахматшының толық тізімі мынадай:
Магнус Карлсен (Норвегия) – 2863 Фабиано Каруана (АҚШ) – 2835 Лижэнь Дин (Қытай) – 2791 Ян Непомнящий (Ресей) – 2784 Максим Вашье-Лаграв (Франция) – 2778 Александр Грищук (Ресей) – 2777 Левон Аронян (Армения) – 2773 Уэсли Со (АҚШ) – 2770 Теймур Раджабов (Әзірбайжан) – 2765 Аниш Гири (Нидерланд) – 2764