Владимир Волковтың төрағалық етуімен Сенаттың Конституциялық заңнама, сот жүйесі және құқық қорғау органдары комитетінің кеңейтілген отырысы болды. Бұл туралы Сенаттың баспасөз қызметі хабарлады.
Онда Президенттің ұсынысы бойынша Жоғарғы Соттың судьясы лауазымына сайлау және одан босату туралы мәселе талқыланды.
Отырыс қорытындысы бойынша Жоғарғы Сот судьясы лауазымына кандидатураларды Палатаның қарауына енгізу туралы шешім қабылданды.