Бүгін Бішкекте Сауда және интеграция министрі Бақыт Сұлтановтың төрағалығымен қазақстандық үкіметтік делегация екі елдің тауарларды өткізу жүйелерін синхрондау туралы келіссөздер жүргізді.
Бақыт Сұлтанов Вице-Премьер-Министр - Қырғыз Республикасының Экономика және қаржы министрі Улукбек Кармышаковпен және Қырғызстанның Ауыл, су ресурстары және өңірлік даму министрі Асқарбек Джаныбековпен, ҚР Көлік, сәулет, құрылыс және коммуникация министрі Гүлнар Әбдіралиевамен, ҚР Энергетика және өнеркәсіп министрі Кубанычбек Турдубаевпен тауарларды өткізу жүйелерін біріктіру перспективаларын талқылады,
«Бұл біздің мемлекеттеріміздің азық-түлік қауіпсіздігін қамтамасыз етіп қана қоймай, сонымен қатар екі елдің экспорттық әлеуетін айтарлықтай кеңейтуге мүмкіндік береді», - деді Сұлтанов.
Атап айтқанда, ҚР Сауда министрлігінің басшысы өткізу жүйелерін синхрондау Қазақстан мен Қырғызстаннан Ресей нарығына тауарлар ағынын жеңілдетеді. «ҰТЖ жұмысының бірыңғай ережелері және бірыңғай стандарттардың өзара әрекеттесуін қамтамасыз ету біздің тауарларымызды Ресей нарығына жеткізуде» тар дәліздерді «болдырмауға, жеткізілімдегі үзілістерді болдырмауға, сондай-ақ маусымаралық кезеңде өз нарықтарымызды қанықтыруға мүмкіндік береді»,- деді.
Сонымен қатар, қазақстандық бизнес Қырғызстанның тауар өткізу жүйесінің инфрақұрылымын құруға қызығушылық білдірді.
Екі ел арасындағы сауда-экономикалық ынтымақтастықтың кеңеюіне сүт және ауылшаруашылық өнімдерін қайта өңдеу саласындағы өндірістік ынтымақтастық ықпал етеді. Бақыт Сұлтанов болашақ бірлескен сауда-логистикалық орталық тұжырымдамасын қайта қарауды ұсынды.
«Біз өнімдерді сақтайтын орын ретінде ТЛО-тің функционалдылығымен шектеліп қалмай, ауылшаруашылық өнімдерін, мысалы көкөністер мен жемістерді, макарон өнімдерін өңдейтін бірлескен кәсіпорындар ашуды пысықтауды ұсынамыз. Жеңіл өнеркәсіптегі бірлескен жобалардың болашағы бар. Мұндай бірлескен кәсіпорындар бізге үшінші елдердің нарықтарына бірлесіп қол жеткізуге мүмкіндік береді,» - деді қазақстандық делегация басшысы.
Сонымен бірге, Қазақстан мен Қырғызстанға ветеринариялық және фитосанитариялық шаралар бойынша ынтымақтастықты жалғастыру қажет. Жануарлар ауруларының таралмауын бақылау және карантиндік объектілермен бірлесіп жұмыс жасау экспорттық нарықтарға қол жеткізуді едәуір жеңілдетеді. Нұр-Сұлтан техникалық регламенттердің талаптарына сәйкес келмейтін жалған ауылшаруашылық өнімдерімен күресу үшін күш біріктіруге дайын.
Екі елдің агроөнеркәсіптік кешенін ойдағыдай дамыту үшін сонымен қатар трансшекаралық өзендердің су ресурстарын ұтымды пайдалануды қамтамасыз ету қажет.
Бақыт Сұлтанов алдағы вегетациялық кезеңде бекітілген кестеге сәйкес мемлекетаралық пайдаланылатын су шаруашылығы нысандарына су жеткізілетініне сенім білдірді.
Сонымен қатар ол қырғыз тарапын ағымдағы жылғы 2 наурызда Қырғыз Республикасы Президентінің Қазақстанға ресми сапары кезінде қол қойылған электр энергиясын айырбастау туралы хаттаманың талаптарын орындауға шақырды. Осы Хаттама екі мемлекет арасындағы су-энергетикалық ынтымақтастықты нығайтуды көздейді.
ҚР Энергетика және өнеркәсіп министрлігінде өткен келіссөздер барысында қазақстандық делегация Қырғызстандағы қазақстандық инвестициялардың мүдделерін қорғау тақырыбын көтерді. Тараптар арнайы құрылған жұмыс тобы аясында барлық проблемалық мәселелерді шешу бойынша Жол картасын әзірлеуге келісті.