Испанияда топ жаруды көздейді

76 жылдық тарихы бар әйгілі жарыстың ұйымдастырушылары биылғы бәсекенің кестесіне аз­­даған өзгеріс енгізген екен. 2021 жылғы «Испания Вуэль­тасы» 800 жылдық тарихы бар Бур­гос шіркеуінен басталып, Сан­тьяго-де-Компостела қа­ла­сында орналасқан «Әулие Иаков­­тың жолы» деп аталатын Еу­ропадағы ең әйгілі тарихи ме­кенде өз мәресіне жетеді. Ис­­па­ниядағы осы екі ұлы тарихи жердің құрметіне биылғы «Вуэльта-2021» веложарысының фи­налы әдеттегідей Мадридте емес, Сантьяго-де-Компостела қаласында өтеді.

Үш аптаға созылатын жа­рыс­тың бірінші жеті күнінде велошабандоздар Бургас қаласынан жолға шығып, Испанияның орталығына және Жерорта теңі­зінің жағалауына қарай жүре отырып, елдің оңтүстік аймағындағы Мурсия қаласына бет алады. Екінші аптадағы жарыс күні Ан­да­лусияда басталып, спортшылар солтүстікке жол тартады. Ал «Испания Вуэльтасының» соң­ғы аптасы Бискай шыға­на­­­ғы­ның жа­ғалауында өтеді. Ве­ло­ша­бандоздар әрі қарай ба­тыс­қа, яғни Атлант мұхитының жа­ғалауына қарай жүреді. Сон­дай-ақ биылғы Гранд-турдың бұ­­ған дейінгі жарыстардан та­ғы бір ерекшелігі, бірінші ке­зең же­келей сайыспен басталып, 5 қыркүйекте дәл осындай сприн­терлердің бәсе­кесімен аяқталады.

Үш аптаға созылатын 21 ке­зеңде велоспортшылар барлығы – 3 417,7 шақырым жол жүреді. Сондай-ақ спортшыларға жарыс барысында тынығып, қосымша күш жинап алу үшін әр аптаның соңында бір-бір күннен демалыс беріледі.

Былтырғы жарысты жалпы­командалық есепте үшінші орында аяқтап, бір кезеңде (Ион Иса­гирре, 6-кезең) жеңіске жеткен Astana – Premier Tech командасы өкілдері осы маусымда да жалпы есепте болсын, жекелеген кезеңде болсын жеңіске жетуді көздейді. Және биыл соған сай мықты шабандоздардан құралған құраммен қатыспақ.

«Испания Вуэльтасы-2021» Гранд-турында «Астана» вело­ко­мандасының бір топ испа­ния­лық велошабандозы өнер көрсе­теді. Атап айтар болсақ, Алекс Аранбуру, Омар Фраиле, Йон Исагирре, Горка Исагирре, Оскар Родригес, Луис Леон Сан­чес және Александр Власов (Ре­сей) пен қазақстандық Юрий Н­атаров бас жүлде үшін бақ сынап көреді. Әрине, жанкүйерлер де, клуб бас­шылығы да бұл құраммен жа­рыстың көшін бастау оңай емес екенін жақсы түсінеді. Әйт­кенмен қазақстандық-канадалық команда «Вуэльтада» кезең же­ңімпазы атану үшін бар күшін салатыны анық.

Жуырда ғана мәресіне жеткен «Джиро д’Италия-2021» ве­ло­до­дасының бас классифика­ция­сында төртінші нәтиже көр­сет­кен Александр Власов би­ыл­ғ­ы «Вуэльтада» команда көш­бас­шы­сы болып, жалпы есепте жоғары орындар үшін таласады. Оған Йон мен Горка Исагирре, Луис Леон Санчес, Омар Фраиле, Оскар Родригес, Алекс Аранбуру және Гранд-турдағы дебютін асыға күтіп жүрген қазақстандық жас шабандоз Юрий Натаров көмектеседі.

«Біз Испанияға мық­ты құ­рам­мен аттанып барамыз. Алек­­сандр Власов біз­дің көш­басшымыз болады және ол «Вуэльтадағы» былтырғы нә­ти­­жесін жақсартады деп үміт­тенеміз. А.Власов қазір нағыз ба­бында. Біздің велоша­бандоздар құрамында алты ис­паниялық бар. Сондықтан олар да өз елінде өтетін жарыстың қан­шалықты маңызды екенін жақсы біледі. Йон, Горка, Луис Леон, Алекс, Омар және Оскар Власовқа ше­шуші кезеңдерде көмектеседі. Бірақ олар жекелей кезеңдерде де бағын сынап көреді. 24 жастағы Юрий На­таров «Вуэльтада», жалпы ал­ғанда Гранд-турда дебют жасауға дайындалып жатыр. Ол осындай ірі жарыстарға қатысу арқылы тәжірибе жи­нақ­тап, кәсіби велошабандоз ре­тін­де дами түсе­ді», деді ко­ман­­да­ның спорт менед­жері Дми­т­­ри­й Фофонов.

Бүгінге дейін «Испания Вуэль­­­тасында» талай мықты ве­ло­­­ша­бандоздың өнер көрсет­кені белгілі. Осы додада қа­та­рынан екі жыл (2019, 2020) жалпы есепте көш бастап, қызыл жейдені ешкімге бер­меген словениялық Примож Роглич (Team Jumbo-Visma) биыл да үз­діктер қата­рынан көрінуге ниетті. Сондай-ақ биылғы жарыстан өзге де атақты велошабандоздар тыс қалған жоқ. Атап айтар болсақ, 2019 жыл­ғы «Джиро д’Италия» Гранд-туры­ның жеңімпазы, Токио Олим­пиа­дасының чемпионы эква­дорлық Ричард Карапас (Ineos Grenadiers), биылғы «Джиро д’Италия-2021» додасының бас жүл­­десін олжалаған эквадорлық Эган Берналь (Ineos Grenadiers), британиялық Хью Карти (EF Education – Nippo), ис­па­ниялық Микель Ланда (Bahrain-Victo­rious) және тағы басқа таны­мал ве­лоша­бандоздар жарыс көрігін қыз­дырмақ.