Орта салмақтағы қазақстандық боксшылар Геннадий Головкин (41-1-1, 36 КО) мен Жәнібек Әлімханұлы (10-0, 6 КО) әйгілі The Ring журналының қараша айындағы рейтингінде үздіктер қатарынан көрінді.
IBF және IBO белдігінің иегері Геннадий Головкин жаңа нұсқадағы рейтингте бірінші орында тұрса, Жәнібек жетінші сатыға жайғасқан. Ал үздік үштікті орта салмақтағы WBC тұжырымының чемпионы Джермалл Чарло (АҚШ) мен WBO чемпионы Деметриус Андраде (АҚШ) түйіндеп тұр. Одан кейінгі орындарға украиналық Сергей Деревянченко, мексикалық Хайме Мунгия, жапониялық Риота Мурата, ұлыбританиялық кіші Крис Юбенк, Лиам Уильямс және Феликс Кэш тұрақтаған.