Алдағы уақытта айналамыздағы тіршіліктен сыр тартатын қандай көркем дүниелер, деректі картиналар көрермендеріне жол тартады? Бұл фильмдер қай өлшеммен таңдалды? Не десек те, отандық 62 киножоба 2022 жылғы конкурстық іріктеуден өтті. Ендігі жерде Мәдениет және спорт министрінің міндетін атқарушының 2022 жылғы 22 шілдедегі бұйрығына сәйкес төмендегі жобалар мемлекет тарапынан қаржыландырылады.
Бұл шешім «Ұлттық киноны қолдау мемлекеттік орталығы» КеАҚ жанындағы Сараптама кеңесінің мақұлданған қорытындысы мен Ұлттық фильмдерді мемлекеттік қаржылық қолдау мәселелері жөніндегі мекемеаралық комиссия ұсынымының негізінде қабылданған.
Сонымен өз жұмыстарын ашық қорғауға 204 киножоба қатысып, нәтижесінде 62 өтінім іріктелді. Соның ішінде 18 толықметражды көркем фильм, 19 деректі, 17 қысқаметражды және 8 анимациялық фильм бар.
Алдымен ақтық тізімге ілінген әлеуметтік маңызы бар фильмдерге келсек, «Авель», «Операция», «Набат», «Олиара» көркем фильмдерін «Ш.Айманов атындағы «Қазақфильм» АҚ түсіреді. Сол сияқты «Лучник» («Nomad Stunts» ЖШС), «Бүркіт» («Terra Motors Astana» ЖШС) картиналары бар. Ал «Қонақтар», «Мүйізтұмсық», «Шу-Ла-Ма» киножобалары «Golden Man Media» ЖШС-на тиесілі. «Солдаттың махаббаты» картинасын «Medeor» ЖШС ұсыныпты. Қысқаша тоқталғанда «Жұпар жүрек», «Айқай», «Талақ», «Метро», «Қара қыз», «Жел тоқтаға жер» киножобаларының да жолы болғалы тұр.
Мұнан бөлек «Ш. Айманов атындағы «Қазақфильм» АҚ түсіргелі отырған «Спутник», «Иноходец», «Ледник», «Жел пайда болған жер», «Той», «Менімен сөйлес, Мәншүк…» деректі фильмдері де қаржыландырылады.
Басқа кинокомпанияларға тиесілі деректі фильмдер ішінде «Кинолетопись» пен «Пряники для ее отца, моего прадеда, ее деда», «Аркау-Озок», «Аул стратегического значения», «Ева. Батыр-қыз», «Молитва Лейлы», «Великий казахский самоед», «Ошибка» молодости», «Киин-Кериш», «Бибигуль Тулегенова – линия судьбы» бар.
Әлеуметтік маңызы бар анимациялық фильмдерден «Жошы», «Бұйрабас», «Тайқазан хикаясы», «Ашина. Легенда о небесных волках», «Оркеш», «Алмалы», «Дерево Амен-ага» жобалары жеңді.
Бағы жанғалы тұрған режиссерлердің тырнақалды туындыларының қатарында «Мереке», «Возмездие», «Сауға», «Әке», «Клубничная Принцесса», «Сабыр», «Қыр басындағы екеу», «Анасы бар адамдар ешқашан қартаймайды», «Понча», «Преступник», «Пуговицы», «Сары-өмір», «Дала қорғаушысы», «Сократы», «Кешігіп соққан жел», «Үміт сәулесі», «Защищённое место», «Повилика», «Все на мослы» «Құрт» киножобалары бар.
Бірлесіп түсірілетін бір ғана лента болса, ол «Ш. Айманов атындағы «Қазақфильм» АҚ ұсынған «Сны реки» деректі фильмі.
Кең ауқымды аудиторияға ұсынылатын көркем фильмдер ішінен «Алматы, я люблю тебя!» картинасы іріктеуден өтті.
АЛМАТЫ