Мәжіліс депутаттары Президент Қасым-Жомарт Тоқаевтың 1 қыркүйектегі Жолдауда жүктеген тапсырмаларын іске асыруға шамамен 220 млрд теңге қажет екенін айтты, деп хабарлайды Egemen.kz.
Депутаттар шығыстарды 1,7 трлн теңгеден астам сомаға ұлғайтуды ұсынды.
Мәжілісмен Анатолий Бойчин атап өткендей, депутаттар шығындарды ұлғайтуды ұсынатын негізгі бағыттар - білім беру, денсаулық сақтау, әлеуметтік қамсыздандыру, тұрғын үй-коммуналдық шаруашылық, көлік және коммуникация, мәдениет және спорт.
Осылайша, 2023 жылға келесі түзетулер енгізу ұсынылды:
Мемлекет басшысының 2022 жылғы 1 қыркүйектегі Қазақстан халқына Жолдауын іске асыруға 219,9 млрд теңге бөлінсін; Әлеуметтік кодекс шеңберінде жекелеген іс-шараларды іске асыруға - 14,7 млрд теңге; тұрғын үй құрылыс жинақтарына салымдар бойынша сыйлықақылар төлеуге - 35 млрд теңге.Бойчиннің айтуынша, 54,3 млрд теңге қосымша ауылдық және қалалық сумен жабдықтауға, инженерлік-коммуникациялық инфрақұрылымға, газбен жабдықтауды дамытуға, жолдарға, аурухана құрылысына бағытталады.
«Жолдауда жүктелген тапсырмаларды Президенттің бастамаларына арналған резерв және үкімет резерві қаржыландырады», деп атап өтті депутат.
Бұдан басқа, Президенттің Білім және ғылым министрлігін қайта ұйымдастыру туралы Жарлығын іске асыру үшін шығыстарды ұлғайтпай екі жаңа министрлікке қайта бөлуді көздейтін түзетулер енгізілді.