Кәсіби теннисшілер қауымдастығы спортшылардың жаңартылған рейтингісін ұсынды, деп хабарлайды Egemen.kz Sports.kz-ке сілтеме жасап.
Рейтингте испандық Карлос Алькарас көш бастап тұр. Екінші орынға оның жерлесі Рафаэль Надаль жайғасса, үшінші орынды Норвегия өкілі Каспер Рууд еншіледі.
Қазақстанның бірінші ракеткасы Александр Бублик 37-ші орында қалды. Тимофей Скатов төрт сатыға төмендеп, 146-шы атанды.
Жұптық рейтингте бірінші орынды Нидерланды өкілі Уэсли Колхоф пен Британдық теннисші Нил Скупски иеленді.
Қазақстандық Андрей Голубев бір позицияға көтеріліп, 47-ші белгіде орналасты. Ал Александр Недовесов 53-ші орында тұрақтады.