Мерзімінен бұрын өткен бұл сайлау саяси жүйенің өзгеруімен тұспа-тұс келді. Осылайша, реформалар легі Конституциялық өзгерістерге ұласып, логикалық жалғасын тапты. Олар елдің саяси күштерінің тепе-теңдігін өзгертіп, Парламенттің өкілеттіктерін біршама кеңейтті. Президенттің өкілеттіктерін жаңартып, құқықтық институттардың жаңа мәртебелерін белгіледі.
Сайлау да жаңа жағдайда өтті. Бұл президенттік мерзімге арналған новелламен де байланысты. 2022 жылдың қыркүйек айында «Қазақстан Республикасының Конституциясына өзгерістер мен толықтыру енгізу туралы» 2022 жылғы 17 қыркүйектегі Қазақстан Республикасының Заңына сәйкес ел Президентінің өкілеттігі жеті жылдық бір мерзіммен шектелді.
Бұл норма Конституцияның өзгермейтін тармақтарының тізбесіне мемлекеттің тәуелсіздігімен, еліміздің аумақтық тұтастығымен, оны басқару нысанымен, Қазақстан Республикасы қызметінің негізгі қағидаттарымен қатар енгізілді.
Сонымен қатар бұл сайлауда барлығына қарсы дауыс беру мүмкіндігі бар жаңа норма енгізілді. Бұл құқықты қазақстандықтардың 5,8 пайызы қолданды. Жалпы, 8,3 млн қазақстандық дауыс беріп, өзінің саяси ерік-жігерін білдірді.
Осылайша, Президент инаугурациясы Қазақстанның жаңа саяси циклін іске қосудың символдық салтанатты рәсімі деп айта аламыз. Келер жылы Қазақстанда жаңарған қоғамдық шартпен басталады.
Татьяна ЛИПИНА,
Президент жанындағы ҚСЗИ аға ғылыми қызметкері