Отандық тауарларды сатып алатын негізгі елдер

Қазақстанның экс­порт­тық-кредиттік агент­тігінің (ЭКА) хабарлауынша, Өзбек­станнан бөлек Ресейге құны 20 млрд теңгеден асатын келі­сімшарт бойынша қол­дау көрсетілді. Сондай-ақ Тәжік­стан­ға – 2,2 млрд теңгеге, Қыр­ғызстанға – 2,2 млрд тең­геге, Сингапурға – 2,2 млрд теңгеге, Польшаға – 9,2 млн теңгеге, Әзербайжанға 3,2 млн теңгеге тауар сатылды.

Экспортталған өнім­дер­дің басым бөлігі – тамақ өнеркәсібі (45,2%), металлургия (36,4%), машина жасау (10,3%), агроөнеркәсіптік кешен өнімдері (5,8%) және құры­лыс материалдары (1,7%).

«Экспорттық-кредиттік агенттік отандық кәсіп­орындарға жан-жақты қол­­дау көрсетіп, экспорт мүм­кіндігін арттыруға, жаңа нарықтарды игеруге және бәсекеге қабілетті өнім өндіруге көмектеседі. Қазірдің өзінде жыл басынан бері 236 экспорт келісім­шарты жасалды. Біз ұсы­на­тын қолдау құрал­да­ры биз­нестің түрлі қажет­ті­ліг­іне бейімделген, сондай-ақ экспорттық циклдың кез келген кезеңінде ұтым­ды шешім қабылдауға мүм­кін­дік береді», дейді Сақтан­дыру және кепілдік беру департаментінің директоры Дәурен Нұранов.

Осы орайда жүзеге ас­қан кейс­терді атап өткен де орын­ды. Мысалы, жоға­ры сапалы шыны ыдыс өндіру­мен айналысатын шым­кент­тік «ЕуроКристал» ЖШС қыс­қа­мерзімді дебитор­лық берешекті сақ­тан­дыру және экспорт алдын­дағы қаржы­ландыру дейтін агент­тіктің екі бірдей қол­дау құралын пайдаланды. Нә­ти­жесінде, компания Өз­бекстан нарығына шығып, шетелдік сатып алушылар қатарын арттырды. Бүгінде кәсіпорынның экспорттық үлесі 10 пайыздан асады.

Сонымен қатар агенттік көмегімен еліміздегі алғашқы және жалғыз роботтан­ды­рыл­ған «Troya» жиһаз зауыты Ресейге тауар тасымалдайтын болды. Компания ЭКА ұсынған экспорттық несиені сақтандыру құралын қолданған. Бүгінде ЕО елдері де бізде өндірілетін мектеп пен зертхана жиһаздарына қы­зығушылық танытып отыр.