Кітапханадағы музей

Мұндай кәдесый кітаптардың қа­та­рында Әлішер Науаидың «Фархад-Шырын» дастаны, Антон Чеховтың әңгімелер жинағы да бар.

Мұражайдағы ең құнды жәдігердің бірі – Абайдың 1945 жылы Мәскеуде Мұхтар Әуезовтің алғысөзімен орыс тілінде жарық көрген таң­дамалы шығармалар жинағы. Бұл кітапқа ұлы ақынның қырық шақты өлеңі мен «Масғұт», «Ескендір», «Әзім әңгімесі» поэмалары, қара сөздері мен дана сөздері енген.

Музейдің бір бұ­рышын әлем әдебиеті жаухар­ла­рының түпнұсқасынан дәлме-дәл кө­шірілген репринтті ба­сы­лымдар, ағылшын, неміс, француз, татар тілін­дегі кітаптар, көне энци­кло­­пе­диялық сөздіктер толықтырып тұр. Ал өлке­тануға арналған бөлімге То­был-Торғай өңірінде туған белгілі қаламгерлердің шы­ғар­ма­лары қойылған. Музей­де әр кездері Қостанайға ат басын тіреген көрнекті жа­зушылардың қолтаңбасы қалған кітаптар да баршылық.

«Қателеспесем, 1994 жылы Қостанайға Шыңғыс Айтматов келді. Осы жерде үлкен кездесу өтті. Шы­ғармашылық кештен кейін ұлы жазушы бізге өзінің «Боранды бекет», «Жанпида» романдары енген жинағын тарту етіп, кітаптың ішкі мұ­қабасына қолтаңба жазып берді. Көрнекті ақын Мәриям Хәкімжанованың қолтаңбасы бар кітап та музейдің құнды жә­дігерлерінің қатарында тұр. Ал мына энциклопедиялық сөздік 1890 жылы басылып шыққан. Мынау – 1805 жылы шыққан орыс тілі оқулығы. Ұлы клас­сик­тер­дің көзі тірісінде жа­рық көрген кітаптар да бар. Мы­салы, Виктор Гюгоның «Па­риж Құдай-анасының ғибадатханасы» атты мы­на кітабы жазушы­ның көзі тірісінде басылып шық­қан. Бұл кі­таптар, кем дегенде, осыдан екі ғасыр бұрын жарыққа шыққан. Көне кі­таптарға рес­таврация жасау өте қымбатқа түседі. Бізде ондай мүмкіндік жоқ. Сондықтан музей жәдігерлерін қолмен ұстауға рұқсат етпейміз», дей­ді облыс­тық кітапхана ішін­дегі өлкетану әдебиеті бө­лімінің маманы Светлана Қа­биева.

Қостанай облысы