БҰҰ Қауіпсіздік Кеңесі Конго Демократиялық Республикасына қатысты санкциялар режимін 2027 жылғы 1 шілдеге дейін ұзарту туралы қарар қабылдады. Санкциялар қарулы топтарға қару-жарақ жеткізуге эмбарго енгізуді, сондай-ақ Конго ДР бойынша санкциялар комитетінің тізіміне енгізілген жеке және заңды тұлғаларға сапар шегуге тыйым салу мен олардың активтерін бұғаттауды қамтиды, деп хабарлайды Egemen.kz.
Қауіпсіздік Кеңесінің барлық 15 мүшесі бірауыздан қолдаған 2825-қарар Конго ДР бойынша санкциялар комитетіне көмек көрсететін сарапшылар тобының өкілеттігін де 2027 жылғы 1 тамызға дейін ұзартты.
Қытай АҚШ-тың 10 компаниясына санкция енгізді
Қарарға сәйкес, сарапшылар тобы 2026 жылғы 30 желтоқсаннан кешіктірмей аралық есепті, ал 2027 жылғы 15 маусымнан кешіктірмей қорытынды баяндаманы Қауіпсіздік Кеңесіне ұсынуы тиіс.
Сондай-ақ құжатта барлық мемлекеттерді сарапшылар тобымен ынтымақтастықты күшейтуге шақырып, оның мүшелерінің қауіпсіздігін қамтамасыз етудің маңыздылығы атап өтілген.
Еуроодақ ресейлік банктерге қарсы санкцияларды кеңейтті
Бұдан бөлек, қарарда БҰҰ Бас хатшысының 2017 жылғы наурызда қаза тапқан сарапшылар тобының екі мүшесі мен оларды ертіп жүрген төрт Конго азаматының өліміне кінәлілерді жауапқа тарту жөніндегі күш-жігерін жалғастыру міндеттемесі расталған.
Еуроодақ Израильге қарсы санкция енгізбек