Мемлекет басшысының Жарлығымен Әмірбек Қанатбекұлы Оспанбеков Қазақстан Республикасы Президентінің Парламенттегі Өкілдігінің басшысы лауазымынан босатылды, деп хабарлайды Egemen.kz Ақорданың баспасөз қызметіне сілтеме жасап.
Еске сала кетейік, бүгін Астанада Парламент палаталарының бірлескен отырысы өтті.
Жиында Мемлекет басшысы Қасым-Жомарт Тоқаев қос палатаның комитеттері белсенді әрі жемісті жұмыс істегенін атап өтіп, Құрылтай бірегей парламенттік мәдениетті одан әрі дамытуға баса мән беру керектігін атап өтті.
Жиыннан соң Мемлекет басшысының Жарлығымен Ерлан Қарин Президент Әкімшілігі Басшысының бірінші орынбасары болып тағайындалды.
Сондай-ақ Марат Әзілханов Қазақстан халқы Ассамблеясы төрағасының орынбасары қызметінен босатылды.