Отан қорғаушы күнінің қарсаңында Мемлекет басшысының Жарлығымен әскери және қызметтік борышын атқару кезінде батылдық пен ержүректік көрсеткен, сондай-ақ елдің ұлттық қауіпсіздігі мен қорғаныс қабілетін қамтамасыз етуге, заңдылықты және қоғамдық тәртіпті нығайтуға елеулі үлес қосқан бір топ әскери қызметшілер, ұлттық қауіпсіздік және құқық қорғау органдарының қызметкерлері Қазақстан Республикасының мемлекеттік наградаларымен марапатталды. Марапатталғандар арасында «Bek Air» авиакомпаниясының «Fokker-100» ұшағын апатты жағдайда Астана қаласының әуежайына қондырған экипаж мүшелері де бар.
Әскери және қызметтік борышын атқару үстінде көрсеткен ерлігі мен жанқиярлығы үшін «Fokker-100» әуе кемесінің командирі Д.О.Родинге және Ұлттық ұлан «Орталық» өңірлік қолбасшылығының штаб бастығы – 6505 әскери бөлімі командирінің бірінші орынбасары Қ.Ж.Үмбетовке «Халық қаһарманы» атағы берілді.
Ордендермен барлығы 43 адам, медальдармен – 63, Қазақстан Республикасының Құрмет грамотасымен 2 адам атап өтілді.
---------------------------------------------------
Қазақстан Республикасы Президентінің Жарлығы
Жоғары әскери және арнаулы атақтар, сыныптық шендер
беру туралы
Қаулы етемін:
авиация генерал-лейтенанты әскери атағы
Орманбетов Нұрлан Секенұлына;
вице-адмирал әскери атағы
Жанзақов Жандарбек Сәдуұлына;
Мемлекеттік Күзет Қызметінің генерал-лейтенанты арнаулы атағы
Күренбеков Амантай Жанкеұлына;
генерал-майор әскери атағы:
Әлшекенов Лұт Сапуұлына,
Ділманов Дархан Айтқалиұлына,
Қашағанов Нұрлан Мұсақанұлына,
Нұрахметов Сағатбек Төлеубайұлына,
Омарқұлов Жандос Қастелбекұлына,
Сатов Мұхаметқали Құсайынұлына;
авиация генерал-майоры әскери атағы:
Айымбетов Айдын Ақанұлына,
Кәрбенов Нұрлан Жанайдарұлына;
ұлттық қауіпсіздік генерал-майоры арнаулы атағы
Дүйсебаев Әбілсейіт Оразақынұлына;
сыртқы барлау генерал-майоры арнаулы атағы
Әденов Күзембек Станбайұлына;
Мемлекеттік Күзет Қызметінің генерал-майоры
арнаулы атағы
Әшімбекұлы Ардаққа;
полиция генерал-майоры арнаулы атағы
Лепеха Игорь Владимировичке;
3-сыныпты мемлекеттік әділет кеңесшісі
сыныптық шені:
Қайыбжанов Марат Жолмағамбетұлына,
Нұрпейісов Сапарбек Айтуұлына,
Патсаев Ұлықбек Қаныбекұлына.
Қазақстан Республикасының Президенті
Н.НАЗАРБАЕВ
Астана, Ақорда, 2016 жылғы 5 мамыр
№245