Пойыздар қозғалысына кері әсері жоқ

Үстіміздегі жылдың 22 мамырында Астана қаласында «Астана қаласының сол жағалау бөлігіндегі жылу магистралі» жобасына сәйкес көпір өткелін монтаждаумен байланысты Астана стансасы бойынша жолаушылар пойыздарының кестесіне өзгерістер енгізілетін болады. Құрылыс жұмыстарын жүр­гізу үшін Астана – Қырқын­шы бағы­тындағы 3 негізгі жол жабылса, осыған байланысты по­йыздар қозғалысының кесте­сіне жаңа нұсқалар жасалып енгізіледі. Жолаушылардың келуі мен кетуі 22 мамыр күнгі сағат 00.00-ден  сол күнгі 12.00 аралығында Қыр­қын­шы стансасы арқылы жүзеге асырылады. Стансада жолаушылардың авто­бустарға теміржолдар ар­қылы өтуі мен отырғызылуы қауіпсіз деңгейде жүргізіледі. Осы мақсатта Астана вокзалы – Қырқыншы стансасы маршруты бойынша жолаушылар қатынасы ұйымдастырылып, теміржол алаң­дарынан өту үшін ол жерлер қо­сым­ша жарықтандырылады. Техникалық «терезе» кезе­ңінде пойыздар қозғалысы мен маневр­лер өндірісінің қауіп­сіздігін қам­тамасыз ету үшін жауапкершілік «Қазақстан темір жолы» ҰК» АҚ-тың құры­лым­дық бөлім­шеле­рі­нің бірінші басшыларына жүктеліп отыр. «Егемен-ақпарат»