Атырауда шенеунік 11 миллион теңге айыппұл төлейді

АТЫРАУ. 19 мамыр. Атырау қалалық №2 сотының үкімімен облыстық мемлекеттік еңбек инспекциясы басшысының бұрынғы орынбасары Әліпқали Дәулетьяровқа 11 млн. теңге көлемінде айыппұл салу жазасы тағайындалды. Бұл туралы облыстық соттың баспасөз қыметіне сілтеме жасаған egemen.kz тілшісі хабарлады. «Атырау облыстық сыбайлас жемқорлыққа қарсы қызмет департаментінің жедел-тергеу тобымен Әліпқали Даулетьяров «Білім Арнасы» жауапкершілігі шектеулі серіктестігінің директорынан қауіпсіздік және еңбекті қорғау мәселелері бойынша емтиханның құжаттарына қол қою үшін пара алу үстінде әшкереленген. Атырау қалалық №2 сотының үкімімен Әліпқали Даулетьяров Қылмыстық кодектнің 366-бабының 2-бөлігімен кінәлі деп танылып, оның қылмыстық жолмен табылған қаражатқа сатып алған мүлкі мемлекеттің меншігіне тәркіленді. Мемлекеттік қызмет саласында лауазымдарды атқару құқығынан өмір бойына айыра отырып, параның 40 еселенген сомасы мөлшерінде – 11 млн. теңге айыппұл салу жазасы тағайындалды» деп хабарлады Атырау облыстық сотының баспасөз хатшысы Боранбай Ғалиев. Жолдасбек Шөпеғұл. Дерек: Атырау облыстық сотының баспасөз қызметі. Фото: today.kz.