«Севилья» қатарынан үшінші рет Еуропа лигасын жеңіп алды

АСТАНА. 19 мамыр. Футболдан Испанияның «Севилья» клубы Еуропа лигасын жеңіп алды. Бұл туралы egemen.kz тілшісі хабарлады. Финалда Швейцарияның Базель қаласында «Севилья» Англияның «Ливерпуль» командасымен кездесіп, 3:1 сесебімен ұтты. Матчта бірінші болып есепті ағылшындар ашты. 35 минутта «Ливерпульдің» шабуылшысы Старридж гол соқты. Екінші таймда «Севильяның» шабуылшысы Гамерро есепті теңестірсе, одан кейін Коке Хорхе дубль жасады. Испандар қарсыластар қақпасына допты ойынның 46, 64 және 70 минутта тоғытты. «Севилья» осымен бас жаттықтырушы Эмеридің басшылығымен қатарынан үшінші рет финалға шығып, үшінші рет Еуропа лигасын жеңіп алды. Команда 2014 жылы Португалияның «Бенфика» клубын матч соңында берілген пенальтиден жеңсе, былтыр Украинаның «Днепр» командасын 3:2 есебімен ұтты. УЕФА Еуропа лигасының финалы. 18 мамыр. Базель.  «Санкт-Якоб Парк» стадионы. Төреші: Юнас Эрикссон «Ливерпуль»: Миньоле, Клайн, Туре (Бентеке 82’), Ловрен, Морено, Лаллана (Аллен 73’, Джан, Милнер (капитан), Фирмино (Ориги 69’, Старридж, Коутиньо «Севилья»: Сорья, Мариано, Рами (Колодзейчак 78’), Карришу, Эскудеро, Н'Зонзи, Крыховяк, Кок Хорхе (капитан), Банега (Кристофоро 90’), Витоло, Гамейро (Иборра 89’) Ескерту алды: Ловрен 30’, Ориги 72’ – Витоло 56’, Банега 57’, Рами 77’, Мариано 84’ Голдар: Старридж 35’ – Гамейро 46’, Коке Хорхе 64’, 70’ Дастан Кенжалин. Дерек, фото: eurosport, euro-football.ru, EPA/URG Видео: vkontakte әлеуметтік желісі.