«Спартак» Бердыевке бас жаттықтырушы орнын ұсынды

АСТАНА. 19 мамыр. Футболдан Мәскеудің «Спартак» командасы «Ростовтың» бас жаттықтырушысы Құрбан Бердыевке өз клубы тізгінін қолға алуды ұсынды. Бұл туралы «Спорт-Экспресс» ақпарына сүйенген egemen.kz тілшісі хабарлады. «Спартак» Бердыевтің жауабын 31 мамырға дейін күтетінін білдірді. Түрікмен маманының қызметіне сондай-ақ Мәскеудің «Локомотиві» де жүгінгелі отыр. Бұдан бұрын «Спартактың» иесі Леонид Федун команданың басжаттықтырушысы Дмитрий Аленичевтің тағдыры 31 мамыр күні өтетін директорлар кеңесінде шешілетінін мәлімдеген еді. Аленичев «Спартакты» былтырғы жаздан бері жаттықтырып келеді. Талғат Райымбек. Дерек, фото: Спорт-Экспресс.