Бәйге

ҚХР-дағы Шыңжаң өлкесінің Іле аймағында айтулы ат жарысы өтті Қара жердің апшысын қуырған аламан бәйге Шың­жаңның Іле аймағына қа­расты Күнес ауданында өтті. Нақтырақ айтқанда, ат жарыс аталған ауданның Талды қалашығындағы Иінжар ипподромында ұйымдастырылды. Аламанға ауыздығымен алыс­қан 42 сәйгүлік қаты­сып, 10 шақырымды шауып өтті. Мұнан соң 3 және 5 ша­қы­рым қашықтықтағы тай мен құнан, 3,5 шақырымдық жор­ға жарысы дүлдүлдерді анықтады. Осы күні ат бәйгесінен бөлек, Талды қалашығында спорт­тық шаралар ұйым­­дастырылды. Боз кілемде 60 және 80 кило сал­мақтағы балуандар белдесті. Ең қы­зы­ғы – бойында күш-қуаты та­сы­ған қақпақ жауырынды аза­­маттар бұқа тартысына қатысты. Сонымен қатар, 10 жұп­тан құрал­ған қыз бен жі­гіт «Қыз қуу» ойынын көр­­­сетті. Осылайша, Шыңжаң айма­ғындағы қандастарымыз ата-бабамыздан келе жатқан салт-дәстүрді дәріптеп, ұлттық ойын­дарымызды жаңғыртты. Ондағы азаматтардың айтуынша, осындай спорттық шаралар жыл сайын мамыр айында ұйымдастырылып тұрады екен. Талғат РАЙЫМБЕК, «Егемен Қазақстан»