Астанада Қазақ ұлттық хореография академиясы ашылады.
Кеше өнер ордасына шәкірттер қабылдау басталды. Бұл оқу орны көп деңгейлі кәсіби хореографиялық білім берудің толық циклін қамтитын болады. Хореография академиясында мектеп жасындағы балалар мен жастар балет өнерін меңгереді.
Астана қаласы әкімдігінің хабарлауынша, оқу орнында білім берудің көпсатылы формасы бастапқы, техникалық және кәсіптік, сондай-ақ, жоғары (бакалвриат) және жоғары оқу орнынан кейінгі (магистратура, докторантура PhD) білім беруден тұрады.
Академия «Балет әртісі», «Би ансамблінің әртісі», «Режиссура», «Хореография», «Өнертану» және «Арт-менеджмент» мамандықтары бойынша кадрларды дайындайды. Білім ордасының мақсаты – хореография өнерін дамыту, жастарға рухани және эстетикалық тәрбие беру.
Хореография академиясында балет әртістері негізгі жалпы немесе орта жалпы білім базасында кәсіби білім алатын болады. Шәкірттер балет өнерінен бірегей тәжірибе жинау үшін шағын және үлкен сахналарда өнер көрсетеді.
Академия ғимараты Хусейн бен Талал көшесі, 9 мекенжайы бойынша ЭКСПО көрмесіне қарсы орналасқан. Оқушыларға 498 грант ұсынылады. Сондай-ақ, ақылы негізде де білім алу мүмкіндігі қарастырылған.
– Кейде баланың әлеуеті бірден көрінбейді. Іріктеу қатаң түрде жүргізіледі. Сондықтан ақылы негізде оқу мүмкіндігі беріліп отыр. Одан әрі оқушы өзін жақсы көрсетсе, грантқа ауысуына болады, – деді Қазақ ұлттық хореография академиясының өкілі Әсел Танишева.
Академия студенттерге жатақхана береді. Медициналық қызмет те көрсетеді.
Дастан КЕНЖАЛИН,
«Егемен Қазақстан»
Астанада Қазақ ұлттық хореография академиясы ашылады.
Кеше өнер ордасына шәкірттер қабылдау басталды. Бұл оқу орны көп деңгейлі кәсіби хореографиялық білім берудің толық циклін қамтитын болады. Хореография академиясында мектеп жасындағы балалар мен жастар балет өнерін меңгереді.
Астана қаласы әкімдігінің хабарлауынша, оқу орнында білім берудің көпсатылы формасы бастапқы, техникалық және кәсіптік, сондай-ақ, жоғары (бакалвриат) және жоғары оқу орнынан кейінгі (магистратура, докторантура PhD) білім беруден тұрады.
Академия «Балет әртісі», «Би ансамблінің әртісі», «Режиссура», «Хореография», «Өнертану» және «Арт-менеджмент» мамандықтары бойынша кадрларды дайындайды. Білім ордасының мақсаты – хореография өнерін дамыту, жастарға рухани және эстетикалық тәрбие беру.
Хореография академиясында балет әртістері негізгі жалпы немесе орта жалпы білім базасында кәсіби білім алатын болады. Шәкірттер балет өнерінен бірегей тәжірибе жинау үшін шағын және үлкен сахналарда өнер көрсетеді.
Академия ғимараты Хусейн бен Талал көшесі, 9 мекенжайы бойынша ЭКСПО көрмесіне қарсы орналасқан. Оқушыларға 498 грант ұсынылады. Сондай-ақ, ақылы негізде де білім алу мүмкіндігі қарастырылған.
– Кейде баланың әлеуеті бірден көрінбейді. Іріктеу қатаң түрде жүргізіледі. Сондықтан ақылы негізде оқу мүмкіндігі беріліп отыр. Одан әрі оқушы өзін жақсы көрсетсе, грантқа ауысуына болады, – деді Қазақ ұлттық хореография академиясының өкілі Әсел Танишева.
Академия студенттерге жатақхана береді. Медициналық қызмет те көрсетеді.
Дастан КЕНЖАЛИН,
«Егемен Қазақстан»
Соңғы жаңалықтар
«Жастар» Сарайының жарты ғасырлық мерейтойы тойланды
Елорда • Кеше
«Egemen Qazaqstan» газетінің тілшісі «Дарын» сыйлығын иеленді
Мәдениет • Кеше
Алматы • Кеше
Президент Мәжіліс төрағасын қабылдады
Президент • Кеше
