Осы жылдың 28-30 сәуірі күндері «Қазақстан» ұлттық телеарнасының тікелей эфирінен көрсетілген «Шын жүректен» республикалық қайырымдылық телемарафоны баршаңыздың естеріңізде болар. Аталған шараны «Қазақстан» РТРК» АҚ және Қазақстан халқы Ассамблеясы бірлесіп ұйымдастырған болатын. Үш күн ішінде қайырымдылық телемарафоны аясында республика бойынша жиналған 30 миллион теңге «Қазақстан халқы Ассамблеясы қоры» қоғамдық қорының есепшотына аударылды. Сонымен қатар, мұқтаж жандарға 15 миллион қаражат көлемінде түрлі қызметтер мен заттай көмек көрсетілді.
Кеше осыған орай, баспасөз мәслихаты болып өтті. Шараға «Қазақстан» РТРК-ның» басқарма төрайымы Нұржан Мұхамеджанова, Қазақстан халқы Ассамблеясы хатшылығының сектор меңгерушісі Нәзипа Шанаи қатысты. Н.Мұхамеджанова: «Қайырымдылық шарасы аясында көптеген балаға шұғыл түрде көмек көрсетілді. Олардың біразы қаржылай, жер телімдері, түрлі материалдық көмек есебінде берілді. Мәселен, эфир кезінде Зеренді ауданынан хабарласқан ІІ топтағы мүгедек көпбалалы ана, Әсемгүл Жармановаға тоңазытқыш жіберілді. Өскеменнен тікелей эфирге хабарласып, мүгедек немересіне қоларба қажеттігін айтқан зейнеткер Ғалия Кәмешованың өтініші ескерілді. Қызылордалық Дариға Көшербаева да өзінің 7 жасар мүгедек баласының қоларбасыз екенін айтып, редакциямызға хабарласты. Нәтижесінде, көп ұзамай, қоларбалар пойызбен жіберілді.
Ал Алматы филиалы студиясына арбаға таңылған 16 жасар Елемес келген еді. Ата-анасы да жарымжан кісілер болатын. Үйсіз, жұмыссыз. Мүгедектігіне алатын жәрдемақысымен бір үйлі жан күн көріп отырған. Бұл отбасына әнші Әлия Әбікен қаржылай көмектесіп еді. Олар әнші ұсынған қаражаттың 150 000 теңгесіне жер телімін сатып алып, қалған бөлігіне үйдің іргесін қалады. Көп ұзамай бұл жаңалықты естіп қуанған Әлия үй құрылысын толық аяқтауға қаржылай көмектесетіндігін айтып, осы отбасының әлеуметтік жағдайына қарайласатындығымен бөлісті», – деді.
Қазіргі таңда көмекке зәру отбасылардың өтініштерін қарастырумен айналысатын арнайы қоғамдық кеңес құрылды. Бұл қайырымдылық телемарафоны әлі де жалғаса бермек. Сондай-ақ, жиын соңында аталған телеарна басшысы өздерінің алдағы уақытта өткізетін қызықты да игілікке толы тың жоспарларымен бөлісті.
Раушан СҮЛЕЙМЕНОВА
Осы жылдың 28-30 сәуірі күндері «Қазақстан» ұлттық телеарнасының тікелей эфирінен көрсетілген «Шын жүректен» республикалық қайырымдылық телемарафоны баршаңыздың естеріңізде болар. Аталған шараны «Қазақстан» РТРК» АҚ және Қазақстан халқы Ассамблеясы бірлесіп ұйымдастырған болатын. Үш күн ішінде қайырымдылық телемарафоны аясында республика бойынша жиналған 30 миллион теңге «Қазақстан халқы Ассамблеясы қоры» қоғамдық қорының есепшотына аударылды. Сонымен қатар, мұқтаж жандарға 15 миллион қаражат көлемінде түрлі қызметтер мен заттай көмек көрсетілді.
Кеше осыған орай, баспасөз мәслихаты болып өтті. Шараға «Қазақстан» РТРК-ның» басқарма төрайымы Нұржан Мұхамеджанова, Қазақстан халқы Ассамблеясы хатшылығының сектор меңгерушісі Нәзипа Шанаи қатысты. Н.Мұхамеджанова: «Қайырымдылық шарасы аясында көптеген балаға шұғыл түрде көмек көрсетілді. Олардың біразы қаржылай, жер телімдері, түрлі материалдық көмек есебінде берілді. Мәселен, эфир кезінде Зеренді ауданынан хабарласқан ІІ топтағы мүгедек көпбалалы ана, Әсемгүл Жармановаға тоңазытқыш жіберілді. Өскеменнен тікелей эфирге хабарласып, мүгедек немересіне қоларба қажеттігін айтқан зейнеткер Ғалия Кәмешованың өтініші ескерілді. Қызылордалық Дариға Көшербаева да өзінің 7 жасар мүгедек баласының қоларбасыз екенін айтып, редакциямызға хабарласты. Нәтижесінде, көп ұзамай, қоларбалар пойызбен жіберілді.
Ал Алматы филиалы студиясына арбаға таңылған 16 жасар Елемес келген еді. Ата-анасы да жарымжан кісілер болатын. Үйсіз, жұмыссыз. Мүгедектігіне алатын жәрдемақысымен бір үйлі жан күн көріп отырған. Бұл отбасына әнші Әлия Әбікен қаржылай көмектесіп еді. Олар әнші ұсынған қаражаттың 150 000 теңгесіне жер телімін сатып алып, қалған бөлігіне үйдің іргесін қалады. Көп ұзамай бұл жаңалықты естіп қуанған Әлия үй құрылысын толық аяқтауға қаржылай көмектесетіндігін айтып, осы отбасының әлеуметтік жағдайына қарайласатындығымен бөлісті», – деді.
Қазіргі таңда көмекке зәру отбасылардың өтініштерін қарастырумен айналысатын арнайы қоғамдық кеңес құрылды. Бұл қайырымдылық телемарафоны әлі де жалғаса бермек. Сондай-ақ, жиын соңында аталған телеарна басшысы өздерінің алдағы уақытта өткізетін қызықты да игілікке толы тың жоспарларымен бөлісті.
Раушан СҮЛЕЙМЕНОВА
Соңғы жаңалықтар
Доллардың бүгінгі бағамы белгілі болды
Қаржы • Бүгін, 11:18
Президент 2024-2026 жылдарға арналған бюджетке түзету енгізді
Президент • Бүгін, 10:45
Түркістан облысында 10 жыл бойы іздеуде жүрген күдікті ұсталды
Қылмыс • Бүгін, 09:23
Бурабайдағы Мультимедиалық интерактивті кешенге келушілер көп
Аймақтар • Бүгін, 01:26
Аяз, көктайғақ: 16 облыста дауылды ескерту жарияланды
Ауа райы • Бүгін, 00:16
