• 28 Мамыр, 2016

Қырғызстанның түстігінде сел салдарынан 5 адам қаза тапты

412 рет

көрсетілді

1 мин

оқу үшін

Egemen Qazaqstan

28-05-16-sel

АСТАНА. 28 мамыр. Қырғызстанның Баткен облысы, Қадамжай ауданындағы Ош-Айдаркен тас жолының 125-ші шақырымында болған сел бес адамның өмірін қиды. Бұл туралы «ҚазАқпарат» ақпарына сүйенген egemen.kz тілшісі хабарлады. Қырғызстанның Төтенше жағдайлар министрлігінің мәліметінше, сел кезінде адамдар қатты жауын салдарынан автомобиль ішінде отырған. Көлікте болған алты адамның біреуі ғана аман қалды. Сел Қадамжай қаласының инфрақұрылымына да зиянын тигізген. Осының салдарынан 15 мыңнан астам тұрғыны бар елді мекен ауыз сусыз қалды. Төтенше жағдай орнына Төтенше жағдайлар министрі Кубатбек Боронов аттанды. Талғат Райымбек. Дерек, фото: ҚазАқпарат.