Қарағандыда балалар пойызы 1 маусымнан бастап жүреді

ҚАРАҒАНДЫ. 29 мамыр. Қарағандыдағы орталық саябақта балалар темір жолы 1 маусым айында іске қосылады. Бұл туралы ekaraganda.kz порталына сілтеме жасаған egemen.kz тілшісі хабарлады. Балалар темір жолы өткен ғасырдың 60-шы жылдары салынған. Ал 2013 жылы облыс орталығындағы Кривогуз және Ғазалиев көшелерін жалғастыратын жол салынған себепті бұл нысанның жұмысы уақытша тоқтатылған. «Балалар темір жолының жұмысын қалыпты ұстап тұру үшін біз жыл сайын миллиондап қаражат саламыз. Жалпы, бұл жерде күрделі жөндеу жұмыстарын жүргізу үшін жыл сайын бөлінетін 6 млн. теңге емес, 80-90 миллион теңге керек», – дейді Қарағанды саябақтар және гүлзарлар басқармасының директоры В. Браунагель. Қайрат Әбілдинов. Дерек, фото: ekaraganda.kz.