АҚШ президенттігіне алғашқы үміткер белгілі болды

АСТАНА. 30 мамыр. АҚШ-тың президенті лауазымына алғашқы үміткер белгілі болды. Бұл туралы «Интерфакс» ақпарат агенттігіне сілтеме жасаған egemen.kz тілшісі хабарлады. Өткен жексенбі күні, 29 мамырда либертариандық партия президенттікке Нью-Мексико штатының бұрынғы губернаторы Гэри Джонсонды ұсынды. Флоридада өткен партиялық съезд барысында ол 55,8 пайыз дауыс жинап, бәсекелестерінен басым түскен. Осыған дейін либертариандық партия сайлауларда жеңіске жететіндей мүмкіндіктері болмайтын. Аталған партия президенттік сайлауға 1972 жылдан бері қатысып келеді. Еркін нарықтық экономика, халықаралық еркін сауда, азаматтардың құқығы мен еркіндігін қамтамасыз ету және өзге елдердің ісіне араласпауға шақырады. Айта кетейік, Гэри Джонсон осыдан төрт жыл бұрын да мемлекет басшысының сайлауына түскен. Нәтижесінде 1 пайыз дауыс жинаған. Ал бұл жолғы сайлау 2016 жылдың қараша айында өтеді. Аян Әбдуәли. Дерек, фото: «Интерфакс».