Мысырда журналист ұлының есімін Путин деп қойды

АСТАНА. 1 маусым. Мысыр астанасы – Каир қаласында тұратын журналист әрі аудармашы Моамен Мухтар кеше туған ұлына «Путин» деген ат берді. Бұл туралы ras.kz-ке сілтеме жасаған egemen.kz тілшісі хабарлады. Журналист мұны 1 маусым, сәрсенбі Facebook әлеуметтік желісіндегі парақшасында қалдырған постысында баяндап беріпті. «Аллаға шүкір. Алла маған ұл берді. Оны аты-жөні – Путин Мухтар», – деп жазыпты Моамен. Ол өзінің бұл шешімін «әлемде 100 Владимирдің барлығымен, бірақ олардың арасында біреуінің ғана Путин екенімен» түсіндіріпті. Постқа түсіндірме жазушылар сол бойда Моаменді ұлының туылымен құттықтап жатыр. Олар сонымен бірге енді өзін Владимир Путиннің әкесі санауына болатынын айтып, қалжың білдіріп те жатқан көрінеді. «Құттықтаймыз сені, Путиннің әкесі! Оны сен енді Кремльден кем етпей тәрбиеле», – деген тілек білдіріпті жігітке әлеуметтік желідегі таныстары. Бұдан бұрын Германияда тұратын сириялық араб жаңа туған қызына «Россия» деген есім беруімен жұрттың жадында қалып еді. Бірақ шенеуніктер мұның адам аты емес, мемлекеттің атауы екенін алға тартып, жаңа ныспыны тіркемей қойған екен. Әйткенмен, табанды сириялық өзінің мақсатына жету үшін сотқа дейін жүгініп, ақыры қызына сол атауды бергіздірген екен. Қазір Россия атты қыз Германия ғана емес, Еуроодақтың да мәліметтер базасында тіркеулі тұр. Талғат Райымбек. Дерек, фото: ras.kz.