Бундестаг депутатымен кездесті

Сенат комитеттерінің төрағалары Икрам Адыр­беков пен Серік Ақылбай «Діндер терроризмге қарсы» халықаралық конферен­циясына қатысу үшін Ас­танаға келген ГФР Бундеста­гының депутаты, Еуропа Кеңесі Парламенттік Ассам­блея­сындағы Германия деле­га­ция­сының басшысы Аксель Фишермен кездесті. Кездесу барысында И.Адыр­беков мейманға бұл сапардың екі ел парламенттері арасындағы өзара іс-қимылға жаңа серпін беретініне, сондай-ақ, ЕКПА және ЕҚЫҰ ПА аясындағы Қазақстан мен Германия делегациялары арасындағы жемісті ынтымақтастыққа жәрдем­десетініне сенім білдірді. С.Ақылбай мейманды «100 нақты қадам» Ұлт Жоспарын іске асыру аясындағы Парламенттің қызметі, сондай-ақ, заң үстемдігін қамтамасыз етуге бағытталған сот жүйесінің реформаларын жүзеге асыру барысы туралы хабардар етті. А.Фишер терроризм мен экстремизм қатерлерімен күрес мақсатында діни және саяси қайрат­керлерге ашық үнқатысу үшін ортақ алаң ұсынған Қазақстанның үлесін жоғары бағалады. Кездесуге Қазақстан Рес­пуб­ликасы Парламенті Сенатының депутаты Георгий Ким және ЕКПА Саяси мәселелер жөніндегі комитетінің хатшысы Павел Шевченко қатысты, деп хабарлады Парламент Сенатының баспасөз қызметі.