Өмір жалғасы

«Қуанса, бала қуансын», дей­міз. Бала – болашақ, бала – өмір жалғасы. Қазақстан Республикасы Ұлттық ұланының елорда ір­гесіндегі 5573 әскери бөлімінде Ба­лалар күніне орайластырылып мерекелік қайырымдылық шара өтті. Оған Астана қаласының кә­мелетке толмағандарды бейімдеу орталығының тәрбиеленуші жасөспірімдері, ұландық әскери қызметшілердің балалары қа­тысып, 300-ден аса бүлдіршін қуанышқа толы мерекенің куәгері болды. Алдымен мәдениет үйінде балалар түрлі мультфильмдерді тамашалады. Өнерпаздар театр­ландырылған қойылымдар қой­ды. «Адам-өрмекші», «Те­ңіз қа­рақшылары» сынды көп­ке танымал кинотуындылар кейіп­керлерінің кейпіне еніп киінген әртістер балалармен бір­ге түрлі ойындар ойнады. Ұлт­­тық ұланның тәрбие және әлеу­­меттік құқықтық жұмыстар жө­ніндегі бас басқармасы бас­тығының орынбасары полковник Қанат Беляков: «Тәрбие – тал бесіктен», дейді халқымыз. Осындай қызықты да игілікті шаралар ұйымдастыруға Ұлттық ұлан Бас қолбасшылығы жыл сайын ерекше көңіл бөліп келеді. Бұл сол шаралардың бас­тамасы. Алдағы уақытта осындай жұмыстар әр өңірде, әр әскери бө­лімде ұйым­дастырылмақшы, деп атап өтті. Мұнан кейін балалар қару-жа­рақ көрмесін, ұлан­дық­тардың саптық алаңда көр­сет­кен «әс­ке­ри дефиле» өнерін  тама­шалады. Қорыта айтқанда, бұл күн әр бүлдіршіннің есінде шаттықтың шырайын шашқан сәт ретінде сақталып қалары сөзсіз. Арман ӘУБӘКІРОВ, Майор