ЭКСПО-2017 көрмесіне билеттер сатыла бастады

Астанада өтетін ЭКСПО-2017-ге көрмесіне билеттерді онлайн сату іске қосылды. Билеттік бағдарлама әлемдік тәжерибеде қолданысқа енгізілгендей қазақстандықтар үшін жеңілдіктер қарастырылған. Атап айтқанда, Ұлы Отан соғысының ардагерлері, мүгедектер, мүмкіндігі шектеулі азаматтар, жетім балалар және 6 жасқа дейінгі балалар көрмеге еркін кіре алады. Сондай-ақ, зейнеткерлер, көп балалы аналар, студенттер және оқушыларға арнайы жеңілдіктер қарастырылған. Айта кетейік, ЭКСПО-2017 кезеңінде 2 - 5 миллион адам келеді деп күтілуде. Қазіргі уақытта 89 ел және 15 халықаралық ұйымдар көрмеге қатысуын растап отыр. Сонымен билеттер және басқа билет өнімдері сатуға кезең-кезеңмен шығады. 10 маусымнан бастап 10 шілдеге дейін промо-кезең өтеді. Ол кезде билеттті барынша төмен бағамен сатып алуға болады. Нақтырақ айтқанда, 10-20 маусымда 50 пайыз, 21-30 маусымда 30 және 1-10 шілдеде 20 пайыз жеңілдік қарастырылған. Талғат Райымбек. Дерек: «Астана ЭКСПО-2017» ҰК» акционерлік қоғамының баспасөз қызметі. Фото: egemen.kz.