Жүлдегерлерге арналған медальдар

Рио-де-Жанейро қаласында өте­тін Олимпия және Паралим­пия ойындарының жеңімпаздары мен жүлдегерлеріне арналған медальдардың дизайны таныстырылды. Баспасөз конференциясы ая­сын­­да өткен рәсімге Халық­ара­лық Олимпиада комитетінің төрағасы Томас Бах қатысты. М­әліметтер бойынша, жазғы Ойын­дарға барлығы 2488 медаль дайын­далған екен. Алтын мен күмістің саны – 812 болса, қола медаль саны – 864. Салмағы 500 грамды құрайтын медаль сынапты пайдаланбай, өндіріс талаптарына сай алтыннан жасалса, күміс пен қоланың 30 пайы­зы қайта өңделген материалдардан болған. Ал медальдар ілінетін ленталар материалының жартысы қайта өңделген пластикалық бөтелкелерден дайындалады. Бағалы заттарды сақтауға арналған қаптамалар Оңтүстік Америкада өсетін Кордия Гоэлда ағашынан жасалып отыр. Дизайнерлердің идеялары бо­йын­ша, Рио Ойындары медалінің ортаңғы жағы жуанырақ болады. Ал жүлдегердің есімі мен спорт түрі лазермен сыртқы шетінің бо­йы­на жазылады. Паралимпия ойындарының медальдарына да өзгерістер енгі­зіледі. Әрбір марапаттың ішінде шулы камера болады. Ол нашар көретін спортшыларға марапаттың дауысын естуге мүмкіндік береді. Алтын медаль – дауысы ең қат­тысы болса, қола медаль – дауысы ең төмені. Аян ӘБДУӘЛИ, «Егемен Қазақстан»