Өзекті мәселелер қаралған кездесу

Парламент Мәжілісінің Заңнама және сот-құқықтық реформа комитетінің хатшысы Светлана Бычкова бастаған бір топ депутаты Ресей Президентінің кеңесшісі Вениамин Яковлев бастаған «Ресей заңгерлерінің ассоциациясы» бүкілресейлік қоғамдық ұйымының делегациясымен кездесті. Әңгімелесудің басты тақы­рыбы заңнамалық бастама, оны әзірлеу, талқылау және заң қабылдау, сот жүйесіне, маман әзірлеуге және соттарды тағайындауға, соттардың тәуелсіздігін нығайтуға қатыс­ты болды. Тараптар мем­лекеттік және жекеменшік сот орындаушылардың, төрелік сот шешімдерінің орындалуы тақырыбын да қозғады. Әңгіме соңында олар атал­ған өзекті мәселелердің заңнама­лық шешімін табуда тәжірибе алмасу үшін Парламентте бүгінгідей кездесулер өткізуді алдағы кезде де жалғастыруға келісті. Ал жүздесуге Мәжіліс тарапынан депутаттар Арман Қожахметов, Қанат Мусин, Снежана Имашева, Гүлнар Бижанова қатысты, деп хабарлады осы палатаның баспасөз қызметі.