Есімі елеулілер естен шықпаса екен

ХХ ғасыр – алмағайып мінезді бай тарихымыздың баянды беттері. Сондықтан өткен жүзжылдыққа жиі-жиі атбасын бұрып, уақыт туын желбіретіп, ел басқарған, халық санасында лайықты із қалдырған, ел дамуы мен өркендеуіне үлес қосқан тұлғаларды түгендеу, оларға құрмет көрсету, есімдерін жұрт жадында сақтау шараларын атқарып отыру, сөз жоқ, бүгінгі ұрпақтың парызы. Жуырда біздің атымызға осын­­дай ұрпақ парызын арқа­ла­ған бір топ ел тұрғындарының хаты келіп түсті. Біздің Үкімет бас­шысы мен Алматы, Павлодар об­лыс­тары әкімдеріне қаратып депу­тат­тық сауал жолдауымызға сол өтініш-хат, дәлірек айтқанда, ондағы: «...ел басқарған кезін­де Отанына адал, жұмысына шын берілген, көкейінде ұрпақ­тың келешегі тұратын кіршік­сіз, таза азамат ретінде халқы­ның жадын­да қалған қазақтың біртуар ұл­дарының бірі, қоғам және мем­лекет қайрат­кері Әріпбай Алыбаевтың есімін есте қалдыру мақ­сатындағы ұсы­нысымыз бір­неше жыл бойы аяқ­сыз келеді...» деген сөздер себеп болды. Шынында да, аға буын ұр­пақ­тың өмірі мен еліне сіңірген ең­бегін, қызметін жақсы біле­тіндер Әрекең секілді қоғамшыл, халықшыл, талапшыл, парасаты мен пайымы мол кешегі күннің көрнекті басшылары жайлы ағы­нан жарылып, ақ сөзін айтарына еш күмәніміз жоқ. Әріпбай Алыбаев табанды мі­нез бен тыңғылықты істің иесі еді. Оның өмір жолы – кешегі әке­­лер мен ағалардың бүгінгі ұр­пақ­қа үлгі болар ақ жолы, адал жолы. Ол 1926 жылы Алматы об­­лысының, Райымбек ауд­а­н­ын­да­ғы Жалаңаш ауылында дү­ние­ге келген. 1951 жылы Алма­ты зоотех­­никалық-малдәрігерлік инс­­ти­тутын бітірген соң, Алматы, Тал­дықорған облыстарының ша­руа­шылықтарында, партия және кеңес ұйымдарында әртүрлі жауап­ты қызметтер атқарған. 1962-1964 жылдары Шығыс Қазақстан облыстық партия коми­тет­інің, 1964-1967 жылдары Пав­­л­о­дар облыстық партия комит­еті­­нің екінші хатшысы, 1967-1972 жылдары Павлодар об­лыстық ат­қару комитетінің төр­ағасы, 1972-1978 жылдары Тал­­дықорған об­лыстық партия коми­тетінің бірін­ші хатшысы, 1978-1985 жылдары Қазақ КСР Ет және сүт өнеркәсібі министрі бол­ған. 1986 жылы дер­бес зей­нет­керлік демалысқа шы­ғып, Қазақ шабындық-жайы­лым инс­титутын басқарған. Ә.Алыбаевтың Қазақстанда ауыл шаруашылығы салаларын дамыту мәселелеріне арналған бірнеше монографиясы, сон­дай-ақ, «Замана толқындары» (1999) атты жинағы жарық көр­ген. Ауыл шаруа­шылығы ғы­лым­дары­ның кан­дидаты (1968) Ленин, Халықтар достығы, 4 мәрте Еңбек Қызыл Ту, сондай-ақ, «Құрмет Белгісі» ордендерімен марапатталған. Өтініш айтушылар белгілі мем­лекет және қоғам қайраткерін ес­те қалдыру мақсатында туған же­рі Алматы облысындағы Райымбек ауда­­нының Шырғанақ ауылына неме­се ауылдық округіне, сондай-ақ, Тал­­дықорған және Павлодар қала­ларын­дағы көшелердің біріне оның есі­мін беру туралы ұсыныс айтады. Қазақстан Үкіметінің мүшесі болған, Алматы, Талдықорған, Павлодар облыстарына басшы­лық жасаған Әріпбай Алыбаев есімін есте қалдыру мәселесіне Үкімет оң қабақ танытады ғой деген үміттеміз. Нұрлан ОРАЗАЛИН, Сенат депутаты