Үйіне келген қонағына қорадағы жалғыз қойын сойып, аты шаршаса, өзінің тың атын мінгізіп жіберетін қазақта сақылар көп болған. Мұның түбі қонақжайлықтан бөлек, мейірімділік, ізгілік.
Халқымыздың осындай тамаша қасиеттері ел ертеңі балалардың бойынан да табылып жатқандығы қуантады. Шымкенттегі «Мирас» университеті ұйымдастырған фотоконкурста 50 мың теңге жеңіп алған оқушылар бұл ақшаны пайдалы іске жаратуды көздепті.
Қалада тағдыры қиын оқушыларды бейімделуден өткізетін орталық бар. Ата-ана қамқорлығынсыз қалған, бұзықтығымен, әдепсіз қылығымен қолға түскен балалар осында әкелініп, туған-туыстары іздемеген жағдайда кішілері балалар үйіне өткізіліп, жасөспірімдері арнаулы оқу орындарына жіберіледі.
Орталық басшыларымен тілдескен оқушылар осындағы балаларға негізінен ішкі киім, гигиеналық жабдықтар мен жазғы жеңіл заттар керек екенін білген. 27 балаға осындай сыйлықтарымен қоса, тәтті-дәмді тағамдар апарған оқушылар олармен бір кеш бірге болды. Жақынындай бауырларына тартты. Өздеріндей балалардың әрекеті орталықтағы жасөспірімдерге ой салғаны анық. Олар алдағы уақыттарда да жүздесіп тұратын болып келісті.
Бақтияр ТАЙЖАН,
«Егемен Қазақстан»
Оңтүстік Қазақстан облысы
Соңғы жаңалықтар
Қазақстанның екі өңірінде жол жабылды
Ауа райы • Бүгін, 16:25
Астана даңғылдарының бірі 2 аптаға жартылай жабылды
Елорда • Бүгін, 15:47
Өскеменде бір ай бұрын жоғалып кеткен 19 жастағы қыздың мәйіті табылды
Қоғам • Бүгін, 15:17
Ақтау маңында ірі жол апаты болып, 7 адам ауруханаға жеткізілді
Аймақтар • Бүгін, 14:42
Алаш қозғалысы: 12 том құжаттар мен материалдар жинағы толық жарық көрді
Руханият • Бүгін, 14:03
Шайды қай кезде ішкенде зияны болмайды
Денсаулық • Бүгін, 13:32
