ОЛИМПИАДА

Балалардың бұл беделді бәсекесі Қарағандыда өтеді Кеншілер астанасында бала­ларға арналған Олимпиада ойын­дары өтпекші. Аты дардай бұл додаға арнайы іріктеу сынынан өткен 45 бала қатысады деп ұйға­рылған. Спортқа бейімді, дарынды балақайлар кәдімгі Олимпиада ойындарындағыдай спорттың бірнеше түрінен күш сынаспақ. Балалардың жазғы демалысын ұйымдастырушы облыстық дене шынықтыру және спорт бас­қармасы мен «Шахтер» стадионы кезекті лагерь маусымының жабы­­луын осылайша атап өтпек. Балалар арасындағы олимп додасын атақты спортшылар, Афи­ны Олимпиадасының қола жүл­де­герлері, боксшы Серік Елеуов пен онсайысшы Дмитрий Карпов тамашалайтын болады. Аталған акция санаулы күн­дер­ден кейін алауы жағылатын Рио-де-Жанейро қаласындағы (Бра­зилия) Жазғы Олимпиада ойын­дарының құрметіне арналған. Қайрат ӘБІЛДИНОВ, «Егемен Қазақстан» ҚАРАҒАНДЫ