Әке мен бала 40 жыл орман кезген

Вьетнамның ну жыныс­ты ормандарынан Хо Ван Лангом деген ұлымен бірге жүрген Ван Тхань деген кісі табылды. Олар бұдан 40 жыл бұрын АҚШ авиациясы елді бомбалай бастаған кезде өз деревняларынан қашып шығып, осы жерді паналаған кө­рінеді. Содан бергі аралықта әкелі-балалы екеу сырттағы елден мүл­дем бейхабар қалған. Олар соғыс әлі жалғасып жатыр деп ойлайды екен. Деревняны бомбалау кезінде бұлардың жақындарының бәрі опат болып кетіпті. «Жақын жерге басқа адамдар келген кезде біз джун­глидің терең қой­на­уына еніп кеттік», – дейді Ван Тхань. Алайда, таяуда бұ­лар үшін күтпеген бір оқи­ға орын алған. Әкелі-ба­лалы екеу джунгли іші­нен туыстарының бі­рін кез­дейсоқ кез­дестіріп қа­лады. Ол 40 жылда елде не болғанын түгел айтып береді. Қазір Ван Тхань мен оның ұлы Хо Ван Лангом шағын бір елді мекенде тұрып жатыр. Олар осында қазіргі заманғы өмірге бейімделуде. Жер­гілікті тұрғындар жаңа көр­ші­леріне жабылып үй салып беріпті. Ван Тхань бірден егіншілікпен айналысып кеткен. Қарап жүрмей, ұлы­на өмірлік серік болатын болашақ келінін де тауып қойыпты. Мұрат АЙТҚОЖА