Қарағандыда басқарма басшысы тағайындалды

[caption id="attachment_51920" align="aligncenter" width="699"] Фото: inform.kz[/caption] Қарағанды облысы әкімінің өкімімен Бауыржан Қоңырбайұлы Асанов Қарағанды облыстық ветеринария басқармасының басшысы болып тағайындалды. Бауыржан Асанов 1968 жылы туған. 1992 жылы К.И.Скрябин атындағы Мәскеу ветеринария академиясын үздік бітірген. Біліктілігі бойынша, ветеринар. Коммерциялық құрылымдарда жұмыс істеген, 2006 жылдан бастап мемлекеттік қызметте. Ауыл шаруашылығының жекелеген бөлімдерінде, Қарағанды қаласының жер қатынастары бөлімінде, жер қатынастары басқармасында түрлі жетекшілік лауазымдарда қызмет еткен. 2013 жылы Еңбек және халықты әлеуметтік қорғау министрлігі жұмыспен қамту департаменті, жұмыспен қамту саясаты басқармасының басшысы болған. 2013 жылдың қараша айынан бері Қарағанды облыстық ауыл шаруашылығы басқармасының басшысы болып қызмет еткен. Қайрат ӘБІЛДИНОВ