Қытайда ұшақ көпірге соғылып, 5 адам опат болды

[caption id="attachment_52296" align="aligncenter" width="700"] Фото: gottstat.com[/caption] Қытайдың Шанхай қаласында шағын гидроұшақ апатқа ұшырады. Бортындағы 10 адамның 5-і опат болды. gordonua.com ақпарына сәйкес, B-10FW ұшағы автокөлік көпіріне барып соғылған. Құтқарушылар дер кезінде көмек көрсетіп үлгерді. Алайда, 5 адам ауруханада қайтыс болды. Ал бір адам жансақтау бөлімінде жатыр. Зардап шеккендердің арасында жергілікті телеарнаның операторы мен репортері де болған. Бұл гидроұшақтың алғаш рет көкке көтерілгені екен. Жаңа амфибия-ұшағы жолаушылар тасымалдау үшін арналған. Ал оның жалпы құны 4,5 миллион долларды құрайды. Апаттың неден болғаны әзірге белгісіз. Арнайы топ оқиға орнында тергеу жұмыстарын жүргізіп жатыр. Оқыс жағдай жергілікті уақыт бойынша сағат 12:15 шамасында болған екен. Ол Цзиньшань ауданынан Чжоушань қаласына бағыт алған. Аян ӘБДУӘЛИ