1800

Атырауда осынша жасөспірім «В контакте» желісіндегі суицидке итермелейтін топтарға мүше болған Бүгінгінің жасы да, кәрісі де әлеуметтік желіге телміреді. Алайда, кейбір әлеуметтік желі­лерде оң-солын әлі танып үлгермеген жасөспірімдерді өз-өзіне қол салуға итермелейтін топтардың бары белгілі. Мәселен, «В контакте» әлеу­меттік желісінде суицидті ашық насихаттайтын 22 топ анықталған. Осыған орай Атырау қалалық прокуратурасы әлеуметтік желі­лердегі суицид фактілеріне үгіт­тейтін топтарға мониторинг жүр­гізіп келеді. Мониторинг нәтижесінде 22 топтың әрқайсысында он екіде бір гүлі ашылмаған жасөспірімдерді суицидті жасау әрекеттері және дарға асылу, тамырларын кесу және т.б. фото түсірілімдері мен өлімге итермелейтін ма­қала­лардың жарияланатыны анықталған. Талдау көрсеткендей, анықталған топтардың мақсаты жасөспірімдер арасында өмірге құштарлығын азайтып, суицидке итермелеу екендігі де байқалды. Бір қынжылтар жайт, Аты­рау облысы бойынша 1800 жас­өспірім мақсаты бұзық топ­тарға мүше болғаны және сол топтардағы мақалаларды өзінің жеке парақшаларына салып, дос­тарымен бөліскен деректері анықталыпты. Сол себептен, мони­торинг қорытындысына сүйенген прокуратураның бастамасымен жасөспірімдер мен басқа да тұлғалардың аталған топтарға мүше болуын шектеу мақсатында Ақпарат және коммуникациялар министрлігімен бірлесе отырып тосқауылдар қойылуда. Жолдасбек ШӨПЕҒҰЛ, «Егемен Қазақстан» АТЫРАУ