Алматы террорисінің өзге де қылмыстары анықталып жатыр

[caption id="attachment_52409" align="aligncenter" width="640"] inform.kz[/caption] Алматыда құқық қорғаушыларға қарулы шабуыл жасаған күдікті Руслан Күлекбаевтың бұдан өзге де қылмыстарға қатысы анықталып жатыр. Baq.kz-тің мәліметі бойынша, сотқа дейінгі тергеу және кешенді жедел-іздестіру шаралары аясында Руслан Күлікбаевтың тағы төрт қарулы қарақшылық шабуылға және екі ұрлыққа қатысы бар-жоғы тексеріліп жатыр. «Күлікбаевтан жауап алу барысында оның жалғызбасты әйелдер мен жалғыз жүрген жолаушыларға шабуыл жасағаны анықталды. Ол әдетте өзінің құрбандарын базарлар мен дүкендердің маңынан торуылдайтын болған. Осылайша, ол егде жастағы бір әйелге шабуыл жасап, азық-түлігі бар дорбасы мен 100 мың теңгесін тартып алған. Ал тағы бір әйелді тонағанда 500 мың теңгесін қолды қылған», – деп хабарлады Алматы қалалық ішкі істер департаментінің баспасөз қызметі. Айта кетейік, бұған дейін күдікті екі рет істі болған. 2010 жылы ол Шымкент қаласында базар сатушысын соққыға жығып, 115 мың теңгесін тартып алған, ал екі жылдан кейін қару-жарақты заңсыз сақтағаны үшін жауапқа тартылған. Айдар ӨРІСБАЕВ