Азиададағы ірі жеңісіміз – ел тәуелсіздігінің мерейтойына толымды тарту

Президент поштасынан Мемлекет басшысының атына Астана мен Алматыда 7-ші Қысқы Азия ойындарының табысты өтуімен құт­тықтаған хаттар мен жеделхаттар еліміздің азаматтарынан, танымал спорт­шы­лардан, спорт ардагерлерінен көптеп келіп түсуде, деп ха­барлады Қазақстан Республикасы Пре­зидентінің баспасөз қызметі. Атап айтқанда, бокстан спорт шебері С. Нұрқазов Қысқы Азия ойындары елордада сал­та­натты түрде, жоғары деңгейде ашы­лып, жұртшылықты таңға­жайып әсерге бөлегенін, бұл спорттық шара еліміз үшін аса ірі оқиға болғанын қуанышты сезіммен жазады. Одан әрі хат иесі: «Аса құрметті Нұрсұлтан Әбішұлы! Бүгінгі күні Сіздің сарабдал сая­сатыңыздың арқа­сында Қазақ­стан­ның туы биік, тұғыры берік болып, бүкіл әл­ем­ге танылып отыр», дейді. 7-ші Қысқы Азия ойы­н­да­рының ашылу салтанатына Аты­рау облысының делегациясы құ­рамында қатысқан Б. Аймаған­бетов өз әсерін былайша бө­лі­седі: «Өнер және спорт майтал­мандары қазақтың желбіреген көк туын ортаға алып шыққанда, қуаныштан төбесі көкке көте­ріл­меген қазақстандық кемде-кем шы­ғар. Қазақстан Тәуелсіздік жыл­дарында тұңғыш рет Азия ойын­дарын ұйымдастыру арқылы Азияның жетекші елдерімен иық теңестіріп отыр. Осыдан-ақ, еліміз жаңа ғасырға нық сеніммен қадам басқанын байқауға болады». Ал, 7-ші Қысқы Азия ойын­дарының ашылу салтанатына Ба­тыс Қазақстан облысының деле­гациясы құрамында қатысқан спорт ардагері А. Шураев ха­тын­да: «Аса үлкен ауқымдағы мұн­дай құрлықтық шараны ТМД және мұсылман елдері ішінде тұңғыш рет Сіздің халықаралық деңгейдегі саяси беделіңіздің ар­қасында өткіздік. Біз елімізде жо­ғары деңгейде өткен Азия ой­ындарын қасиетті ел Тәуел­сіз­дігінің 20 жылдығына тартуы­ңыз деп білеміз», деп жазады. Сондай-ақ, Қарағанды об­лы­сының делегациясының құ­рамында 7-ші Қысқы Азия ойындарына арналған мерекелік іс-шараларға қатысқан Ұлы Отан соғысының ардагері Қ. Бекеновтің хатында: «Қазақ­стан өзінің зор әлеуетін, талай қиын мәселелерді шеше ала­тынын тағы бір мәрте паш етті. Азиаданың ашылу салтанаты барлық мерекелік іс-шара­лар­дың шарықтау шегі болды», делінген. Одан әрі хат авторы Елбасы Н.Ә.Назарбаевтың Тәу­ел­сіз Қазақстанның өсіп-өркен­деуі жолында атқарған игі істеріне алғысын білдіріп, зор ден­саулық, сүйікті Отанымыздың өркендеуі жолындағы қыз­ме­ті­не толымды табыстар тілейді. Сарабдал саясатқа қолдау Мемлекет басшысының атына Елбасы Н.Ә.Назарбаевтың «Болашақтың іргесін бірге қалаймыз» атты биылғы Қазақстан халқына Жолдауын қуаттаған хаттар мен жеделхаттар келіп түсуде, деп хабарлады Қазақстан Республикасы Президентінің баспасөз қызметі. М.Әуезов атындағы Оңтүстік Қазақстан мемлекеттік университетінің студенттері жол­даған хатта Елбасының Қазақстан хал­қына Жолдауын тікелей эфирден ықы­лас­пен зейін қойып тыңдап, келешекке қатыс­ты кемел ой түйгендіктерін жазады. Автор­лар одан әрі: «Біз, студент жастар, Сіздің саясатыңызды қолдай отырып, егемен елі­міздің рухани, мәдени және экономикалық дамуы үшін аянбай еңбек етіп, Қазақ­станның жарқын болашағын бірге құруға өз үлесімізді қосамыз», деп атап көрсеткен. Аталған хатқа студенттер атынан З.Усупахметов, Ж.Қорғанбаев, З.Орынбеков, Ж.Жақыпбеков, М.Исахов, Р.Алманов және Ж.Есенәлиев қол қойған. Елбасына жолдаған жеделхатында Г.Әбдікенов зор денсаулық және ел мүддесі жолындағы қызметіне толайым табыс тілейді. Ал, Қостанай облысының тұрғыны С.Сағынаев хатында елімізді дамытудағы Елбасының игілікті істерін, Қазақстанды күллі әлемге танытқан ерен еңбегін ке­ңінен атап өтіп, жаңа даму жолын ай­қын­дап берген сарабдал саясатына қолдау білдіреді.