Ел мерейтойын лайықты өткізейік

Елбасының осы жылғы 27 қаңтардағы Жарлығы­мен 2011 жыл «Бейбітшілік пен жасампаздықтың 20 жылы» деген ұранмен өткізілетін Қазақстан Республикасы Тәуелсіздігінің 20 жылдығы жылы деп жарияланды. Кеше Қазақстан Респуб­ли­ка­сының Мемлекеттік хатшысы – Сыртқы істер министрі Қ.Сау­дабаевтың төрағалығымен құрамы­на Президент Әкім­ші­лігінің, Үкіметтің өкілдері, Пар­ламент депутаттары, об­лыс­тардың, Астана және Ал­маты қалаларының әкімдері, сондай-ақ, қоғамдық ұйым­дар­дың жетекшілері кіретін осы Мемлекеттік комиссияның бірінші отырысы өтті. Елбасы алға қойған тап­сырмалар аясында Қазақ­стан­ның 20 жылдығы жылы іс-ш­а­ра­ларын өңірлік және респуб­ликалық деңгейде дайындау және оларды өткізу жөніндегі нақты міндеттер белгіленді. Осы мақсатта Елбасының тап­сырмасы бойынша Мемлекеттік комиссияның шеңберінде мынан­дай төрт жұмыс тобы құрылды: – Премьер-Министрдің орын­­ба­сары – Индустрия және жаңа технологиялар министрі Ә.Ө.Исе­кешев жетекшілік ететін Ұйым­дастырушылық, құқықтық және материалдық-техникалық қамта­ма­сыз ету мәселелері бойынша; – Президент Әкімшілігі Бас­­­шысының орынбасары М.­С.Әшім­­­баев жетекшілік ететін Ақпа­рат­тық қол­дау және қо­ғамдық-саяси мазмұндағы іс-ша­ралар өткізу мәселелері бойын­ша; – Мәдениет министрі М.А.Құл-Мұхаммед жетекшілік ететін Мәдени-гуманитарлық іс-шаралар­ды өткізу мәселелері бой­ынша; – Астана қаласының әкімі И.Н.Тасмағамбетов жетекшілік ететін Астана қаласындағы мерекелік іс-шараларды өткізу жө­нін­дегі жұмыс тобы. Қ.Саудабаев отырысты қоры­тындылай келе: «Елбасымыз Н.Назарбаев атап өткендей, «Тәуел­сіздіктің мерейтойы мемлекеттің жаңа тарихындағы аса жарқын айтулы оқиға болуы тиіс. Бұл 2011 жылдың ғана емес, Тәуел­сіздік жылдарындағы жүріп өткен жолдардың квинтэссен­циясы». Сол үшін 20 жылдық, шынымен де, жалпыұлттық мереке болуы және оның белсенді қатысушысы әрбір қазақстан­дық болуы аса маңызды. Біздің басты мақсатымыз әрбір отан­да­сымыз тәуелсіздік жылда­рында өз ауылының, қала­сы­ның, өмірінің жақсы жағына қарай ауысқанын, оған және отбасына Тәуелсіздіктің берген бостандығы мен мүмкіншілігін сезінуі үшін экономика, мәде­ниет және қоғамдық өмірдің барлық салаларындағы Қазақ­стан­ның оң әсер қалдыратын жетістіктерін көрнекі түрде көр­сету болып табылады. Со­ның ішінде осы жетістіктердің барлығында жаңа Қазақстан­ның архитекторы және құру­шы­сы, әлем мойындаған ке­меңгер көшбасшы Нұрсұлтан Назарбаевтың теңдесі жоқ ең­бе­гін әділ көрсету де ерекше маңызды. Елбасы мен елдің біртұтас екендігін тағы бір рет көрсету керек», – деп қадап айтты. Жақсыбай САМРАТ.