Бүгін еліміздің оңтүстігінде күн ашық болады

[caption id="attachment_54355" align="aligncenter" width="666"] Фото: behang.nl[/caption] Бүгін еліміздің солтүстігі мен шығысында, оңтүстік-шығысында атмосфералық ағымдардың өтуінен жаңбыр жауып, найғазай ойнайды. Сондай-ақ, жел соғып, күндіз шығыс өңірде бұршақ түсуі ықтимал. Тек, республиканың батыс, солтүстік-батыс, оңтүстік және орталығында ауа райы жауын-шашынсыз болады. «Қазгидрометтің» хабарлауы бойынша, Алматы, Жамбыл, Қызылорда, Атырау облыстарының кей жерлерінде желдің жылдамдығы секундына 15-20 метрге дейін барады. Ал Қызылорда облысында шаңды дауыл көтеріледі. Оңтүстік Қазақстан облысында түнде және таңертең жел тұрып, шаңды дауыл көтеріледі деп болжануда. Шығыс Қазақстан облысының кейбір аудандарында түнде және таңертең тұман түсіп, күндіз жел күшейеді, бұршақ жаууы мүмкін. Солтүстік Қазақстан облысында жел соғып, түнде тұман түседі. Павлодар мен Қарағаңды облыстарының кей аймағында түнде және таңертең тұман байқалады. Күндіз Атырау, Батыс Қазақстан, Маңғыстау, Ақтөбе, Қостанай облысының кейбір жерлерінде аптап ыстық күтіледі. Қызылорда, Оңтүстік Қазақстан, Жамбыл облысының кей аумағында жоғары өрт қаупі сақталады. Аян ӘБДУӘЛИ