Жаушықұмның жуасы-ай!

Шардара ауданындағы Жаушы­құм ауылы соңғы уақытта жұртқа бітік өскен жуасымен танылып келеді. Оған себеп – алқапқа пияз гол­ландиялық тәсілмен егіледі. Осылайша, қол күшімен атқары­латын жұмыстың барлығы бүгінде техникамен жүзеге асырылады, яғни шаруалар арамшөп отау, пияз­ды қолмен жегенелеу сияқты ма­шақаттардан біржола құтылады. Сейдулла Доматовтың иелігін­дегі «Тұрар» шаруа қожалығы биылғы жылы 30 гектар жерге пияз тұқымын сеуіп, қазіргі таң­да өнімді жинаумен айналысып жатыр. Диқандардың көңілдері көтеріңкі, себебі гектар түсімі 850 цент­нерден айналып отыр. Ал әр гектардан 85 тоннадан пияз өнімін алу өте жоғарғы көрсеткіш болып табылады. Жаушықұмның жуасы қазіргі таңда Астана, Ақтөбе, Алматы қалаларына тасымалданып, саудаға шығарылып жатыр. Сонымен қатар, аудан басшылары­ның ұйымдастыруымен ауылдан арнайы бекет ашылып, жергілікті тұрғындарға дақылдың келісі 50 теңг­еден сатылуда. Базарда биыл­ғы өсірілген пияздың бағасы 80 теңгеден екенін ескерсек, арнайы бекеттегі арзан баға халықтың қал­та­сына жеңіл тиіп жатқаны сөзсіз. Әділ ӘБДІРАМАНОВ Оңтүстік Қазақстан облысы