Қытай мобильді байланыс желісінің бірінші жерсерігін ұшырды

[caption id="attachment_54987" align="aligncenter" width="640"] ap.org[/caption] Қытай мобильді байланыс желісінің бірінші жерсерігін орбитаға сәтті шығарды, деп хабарлады «Синьхуа» агенттігі. Tiantong-01 аппараты 6 тамызда Қытайдың оңтүстік-батысындағы Сичан ғарыш айлағынан Long March-3B зымыранымен ұшырылды. Lenta.ru-дың мәліметі бойынша, бұл – Қытайда қолға алынып жатқан ұлттық телекоммуникация жүйесі аясындағы алғашқы жерсерік. Ол елдің ғарыштық ақпараттық инфрақұрылымының негізі болады. Бұдан ары жүйенің жұмысын қамтамасыз ету үшін геостационарлық орбитаға тағы бірнеше осындай спутник жіберіледі. Tiantong-01 жабдығын Қытайдың ғарыш техникасы академиясы жасап шығарды. Жүйенің жердегі операторы China Telecom болмақ. Оның негізінде мобильді байланыс желісі құрылып, ол тек Қытайға ғана емес, сонымен қатар, Таяу Шығыс, Африка елдері мен әлемнің өзге де өңірлеріне қызмет көрсететін болады. Айдар ӨРІСБАЕВ