Еліміз тәжірибесімен бөлісуге әзір

Кеше Парламент Сенатының Төрағасы Қасым-Жомарт Тоқаев АҚШ-тың Ислам Конференциясы Ұйымының (ИКҰ) мәселелері бойынша Арнайы өкілі Рашад Хуссейнді қабылдады, деп хабарлады Парламент Сенатының баспасөз қызметі. Кездесу барысында әлемдегі тұрақтылық пен қауіпсіздікті қам­тамасыз етудің өзекті мәсе­лелері жөнінде пікір алмасылды. Ислам Конференциясы Ұйы­мы Сыртқы істер министрлері ке­ңесінде Қазақстанның төрағалық етуі қарсаңындағы бұл сапардың маңыздылығын атап өте келіп, Төраға біздің еліміз ИКҰ-дағы жоғары лауазымда ұлтаралық және конфессияаралық келісімді сақтауда жинақтаған тәжіри­бе­сі­мен бөлісуге әзір екенін мәлім­деді. «Қазақстан бұл ерекше тәжірибені өзінің халықаралық дінаралық бастамалары арқылы, оның ішінде Әлемдік және дәс­түрлі діндер лидерлерінің съез­де­рі аясында әлемге ұсынып отыр», деді Қ.Тоқаев. Р.Хуссейн мәдениетаралық және конфессияаралық үнқа­ты­су­д­­ы ілгерілетудегі Қазақстанның үлесін жоғары бағалады және біздің еліміздің Ислам Кон­фе­рен­циясы Ұйымына табысты төраға­лық ететініне сенім білдірді.