Әлемдегі ең тыныш бөлме

Microsoft компаниясы жасаған бөлме әлемдегі ең тыныш бөлме ретінде Гиннестің рекордтар кі­табына тіркелген болатын. The Business Insider халықаралық ба­сылымының журналисі Мэтт Вайн­бергер осы бөлмеге кіріп, өлі тыныштықта адамның қандай күй кешетінін өз басынан өткізіпті. – Бөлме компания ғимарат­тарының бірінде ор­на­лас­қан екен. Есік жабылғаннан кейін нағыз өлі ты­­ныш­тық орнады. Ешқандай дыбыс естілмейді, тіпті, өз дауысыңды да естімейсің. Себебі, бөл­ме­нің қа­быр­ғалары кез келген дыбысты жұтып қо­я­тын­­­дай етіп жасалған. Бірнеше минуттан кейін мен есім ауы­са бастағандай күй кештім. Тепе-теңдігі­м­нен айы­ры­лып, құлап қалуға шақ қалдым, – дейді журналист. Microsoft әлемдегі ең тыныш бөлмені түрлі зерттеу жұмыс­тары үшін, сондай-ақ, өздері шығаратын планшет, ноутбуктердің акустикалық жүйесін жақ­сарту мақсатында жасаған. Skype арқылы сөйлес­кенде қоршаған ортаның шуын азайтып, дауыс сапа­сын арттыруға да осы бөлмені пайдаланыпты. Бөл­ме есігі жабылғаннан кейін іште естілетін ең қат­ты деген дыбыстың өзі екі молекуланың бір-бірі­мен со­ғыл­ған­да шығаратын дыбысынан аспайтын көрінеді. Нұрхан АСҚАР